पारोळा l प्रतिनिधी :- पालिकेच्या सफाई कर्मचाऱ्यांचे गेल्या पाच दिवसांपासून काम बंद आंदोलन सुरू होते. निलंबन केलेल्या कर्मचाऱ्यांना पुन्हा कामावर रुजू करावे, अशी मागणी आंदोलनकर्त्यांची मागणी होती. या वेळी आमदार चिमणराव पाटील यांनी आंदोलनकर्त्यांची भेट घेत जिल्हाधिकारी आयुष प्रसाद यांच्याशी भ्रमणध्वनीवरून संपर्क केला व तोडगा काढण्याबाबत चर्चा केली. त्यानुसार जिल्हाधिकाऱ्यांनी सोमवारी (ता. ११) आंदोलनकर्त्यांनी जिल्हाधिकारी कार्यालयात येऊन आपले म्हणणे मांडावे, असे आश्वासन दिल्याने अखेर आमदार पाटील यांनी आंदोलनप्रमुख शिवा पारोचे यांना लिंबूपाणी देत ‘काम ‘बंद’ आंदोलनाला पूर्णविराम दिला.

येथील नगरपालिकेच्या तीन सफाई कर्मचाऱ्यांना नोकरीतून काढून टाकण्याची व तीन कर्मचाऱ्यांची एक वेतनश्रेणी कायमस्वरूपी बंद करण्याबाबतचे आदेश मागे घ्यावे, यासाठी संबंधित सफाई कर्मचाऱ्यांनी काम बंद आंदोलन केले होते. दरम्यान, याबाबत कर्मचाऱ्यांना कुठलीही माहिती न देता हा निर्णय घेतला गेला असल्याचे आंदोलनकर्त्यांनी यावेळी आमदारांना सांगितले.

याची दखल घेत यावेळी आमदार पाटील यांनी भ्रमणध्वनीवरून जिल्हाधिकाऱ्यांशी संपर्क साधला व प्रश्न मार्गी लावला. दरम्यान, शहराच्या विकासासाठी लवकरच सक्षम प्रशासक तथा मुख्याधिकारी देणार असल्याचे संकेत आमदार चिमणराव पाटील यांनी दिले.
दरम्यान यावेळी नगरपालिकेचे माजी नगराध्यक्ष दयाराम अण्णा पाटील,माजी नगरसेवक राजू कासार यांचेसह उपोषणकर्ते सफाई कर्मचारी उपस्थित होते.

हे पण वाचा

• 33/11 केव्ही क्षमतेचा उपकेंद्राचे शिरसमणी येथे आमदार मा.अमोलदादा पाटील यांच्या शुभहस्ते भुमीपुजन….
• चाळीसगाव तालुक्यात वीज पडून तिघांचा मृत्यू, एकजण जखमी.
• एरंडोल चे माजी नगराध्यक्ष अपघातात गंभीर जखमी; माजी नगरसेविका पत्नी कल्पना महाजन यांनी केली घातपात असल्याची तक्रार.
• जिल्ह्यात गावठी कट्टे विकणाऱ्यां दोघांना स्थानिक गुन्हे शाखेच्या कर्मचाऱ्यांनी केले जेरबंद; 1 लाख 70 हजार रुपयाचा मुद्देमाल जप्त.
• 60 वर्षीय व्यक्तीने विधवा महिलेवर केला बलात्कार, नराधमास धडा शिकविण्यासाठी लैंगिक अत्याचार झालेल्या अनेक महिलांनी आरोपीस जिवंत जाळले