पाचोरा :- तालुका सहकारी शिक्षण संस्था संचलित सौ. रजनीताई नानासाहेब देशमुख कला, वाणिज्य व विज्ञान महाविद्यालयात अर्थशास्त्र विभागाच्या वतीने विद्यार्थ्यांसाठी एक दिवसीय कार्यशाळा आयोजित करण्यात आली होती. ‘सामाजिकशास्त्र संशोधनात माहितीचे वर्गीकरण कसे करावे ?’ या विषयावरील या कार्यशाळेमध्ये डॉ. सतीश पारधी, (अर्थशास्त्र विभागप्रमुख, कला महाविद्यालय, मारवड) तसेच डॉ. जनार्दन देवरे (अर्थशास्त्र विभाग, सौ. रजनीताई नानासाहेब देशमुख कला, वाणिज्य व विज्ञान महाविद्यालय, भडगाव) हे संसाधन व्यक्ती म्हणून उपस्थित होते. कार्यशाळेच्या अध्यक्षस्थानी प्राचार्य डॉ.एन.एन. गायकवाड होते.
प्रथम सत्रात डॉ. जनार्दन देवरे यांनी तथ्य संकलन म्हणजे काय, तथ्य संकलनाचे स्त्रोत, त्याचे प्रकार, तथ्यांचे वर्गीकरण कसे करावे, सारणीयन, आलेख, आकृत्या कशा काढाव्यात याचे विवेचन केले. कार्यशाळेच्या दुसऱ्या सत्राच्या डॉ. सतीश पारधी यांनी संशोधनातील गृहीतके, संदर्भ ग्रंथ, संदर्भसूची यांची निवड कशी करावी, विविध सामाजिक प्रश्नांविषयी संशोधनासाठी विषय कसे निवडावेत, याचे मार्गदर्शन केले. कार्यशाळेच्या समारोपप्रसंगी प्राचार्य डॉ. एन. एन. गायकवाड हे अध्यक्षस्थानी होते तर डॉ.एस. डी. भैसे (समन्वयक, कला व वाणिज्य शाखा), प्रा. एस.ए. कोळी, प्रा. इंदिरा लोखंडे प्रमुख पाहुणे म्हणून उपस्थित होते. प्रास्ताविक व सूत्रसंचालन अर्थशास्त्र विभागप्रमुख डॉ. बी. एस. भालेराव यांनी तर आभार प्रा. प्रवीण देसले यांनी केले. कार्यशाळेला बहुसंख्येने शिक्षक व विद्यार्थी उपस्थित होते.
हे पण वाचा
- एरंडोल विधानसभा मतदारसंघात महायुतीचे उमेदवार अमोलदादा पाटील यांचा एकतर्फी विजय,५६ हजार ३३२ मतांनी दणदणीत विजय.
- Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
- आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
- पतीच्या उपचारादरम्यान हृदयविकाराच्या झटक्याने मृत्यूनंतर तीन तासांत पत्नीने संपवली जीवन यात्रा; दोघांचे एकाच चितेवर अंत्यसंस्कार
- सोशल मिडीयावर माळी समाजावरील आक्षेपार्ह मजकुराच्या निषेधार्थ एरंडोल बंद; माजी पालकमंत्री डॉ.सतीश पाटील यांच्या पुतळ्याचे दहन.
