पारोळ्यात माजी नगरसेविकेच्या निवासस्थानाला आग,
एक ते दीड कोटी रुपयांचे नुकसानीचा अंदाज;पहा व्हिडिओ

By
टीम झुंजार
-
Spread the love

प्रतिनिधी l पारोळा
शहरातील शिवसेनेचे माजी नगरसेविका यांच्या निवासस्थानाला आज रात्री पावणे नऊ वाजेच्या सुमारास आग लागली. या आगीत एक ते दीड कोटी रुपयांचे नुकसान झाल्याचा प्राथमिक अंदाज व्यक्त केला जात आहे. आगीची भीषण पाहता पारोळा, अमळनेर एरंडोल येथील अग्निशमन बंब मागविण्यात आले होते. रात्री उशीरा पर्यंत आग विझवण्याचे काम हे सुरू होते.
मोरफळ गल्लीमधील रहिवासी मनोज जगदाळे यांचे गजानन इलेक्ट्रॉनिक्स हे भव्य शोरूम आहे. त्या शोरूमचे गोडाऊन व  निवासस्थान हे जगदाळे यांचे एकच आहे.

दिवाळीच्या पार्श्वभूमीवर कालच त्यांच्याकडे नवा एसी, फ्रिज, आदी इलेक्ट्रॉनिक माल साहित्य हे आणण्यात आले होते. आज रात्री अचानक पावणे नऊ वाजेच्या सुमारास  निवासस्थान खालील गोडाऊनला आचनक आग लागली.  सौम्य रूप असलेला आगिने नंतर मात्र भयानक असे रुद्र अवतार धारण केले. त्यात एसी, फ्रिज यांच्या गॅस हंडी या एका मागून एक फुटत गेल्याने आग ही मोठ्या प्रमाणात पसरू लागली त्यावेळी वरच्या मजल्यावर मनोज जगदाळे यांचे लहान बंधू आण्णा जगदाळे यांच्या पत्नी यांच्या लक्षात ही बाब आली. त्यांनी आरडाओरडा  केली. शेजारी व गल्लीत नागरिकांनी धावपळ सुरू केली.

तोपर्यंत आगीने अतिशय भयानक असे उग्ररूप धारण केले होते. अतिशय निमुळती अशी गल्ली असल्याकारणाने अग्निशमन येण्यास उशीर होत गेला. पारोळा नगरपालिकेच्या अग्निशमन बंब अमळनेर, एरंडोल पालिकेचा अग्निशमन बंब तसेच संदेश कृषी सेवा केंद्राची टँकरच्या साह्याने आग विजविण्याचे आटोकाट प्रयत्न हे उशिरा पर्यंत सुरू होते. यावेळी बघ्यांची  देखील मोठ्या प्रमाणात गर्दी झाली होती.

आगीचे गांभीर्य पाहता डी वाय एस पी सुनील नंदनवाळकर सह पोलिस निरीक्षक  सुनील पवार सह विविध राजकीय पदाधिकारी सामाजिक कार्यकर्ते यांनी मोठीच गर्दी यावेळी केली होती. आग नेमकी कशामुळे लागली हे कारण समजू शकले नाही. तसेच अचूक किती नुकसान झाले त्याची माहिती मिळू शकली नाही.इलेक्ट्रॉनिक वस्तू सह संसार उपयोगी सर्व साहित्य या आगीत जळाले आहे. तीन मजली इमारत मुळे आग विजविण्याचे काम हे सुरूच होते.

हे पण वाचा

टीम झुंजार