धरणगाव प्रतिनिधी :- (योगेश पाटील )
धरणगाव शिवसेने तर्फे बहुजनांचे कैवारी छत्रपती शिवाजी महाराज जयंती निमित्ताने संपुर्ण शहरात भव्य मोटारसायकल रॅली काढून शहरातील विविध ठिकाणी शिवछत्रपतींना वंदन करून मान्यवरांच्या हस्ते प्रतिमपूजन करण्यात आले.
धरणगाव शहर शिवसेने तर्फे छत्रपती शिवाजी महाराज जयंती निमित्ताने शहरातील विविध भागात व शिवसेना शाखेत प्रतिमा पूजनाचा कार्यक्रम ठेवण्यात आला होता. या प्रसंगी जळगाव लोकसभा सह संपर्क प्रमुख मा.श्री.गुलाबरावजी वाघ यांच्या अमूल्य मार्गदर्शना नुसार सर्व प्रथम कोटबाजार शिवनेरी कार्यालय येथे शिव छत्रपतींना माल्यार्पण व पूजन करून मोटारसायकल रॅलीला प्रारंभ करण्यात आला.
यात सर्व प्रथम लांडगे गल्ली,परिहार चौक,शनी मंदिर , हनुमान नगर बजरंग चौक, बालाजी मंदिर, जांजी बुवा चौक, रामलीला चौक, महात्मा फुले स्मारक, खत्री गल्ली, हेडके गल्ली ,गबा नंदा चौक संजय नगर नवेगाव नेहरूनगर या ठिकाणी भव्य मोटारसायकल रॅली काढून शिव छत्रपतींना माल्यार्पण करून पूजन करण्यात आले.
या प्रसंगी जळगांव लोकसभा सह संपर्क प्रमुख मा.श्री. गुलाबरावजी वाघ,उप जिल्हाप्रमुख पी.एम.पाटील,उप ता.प्रमुख राजेंद्र ठाकरे शहर प्रमुख राजेंद्र महाजन, नगराध्यक्ष निलेश चौधरी, गटनेते पप्पू भावे, नगरसेवक वासुदेव चौधरी, विलास महाजन,संजय चौधरी,सुरेश महाजन, भागवत चौधरी, जीतेंद्र धनगर,भानुदास विसावे,धीरेंद्र पुरभे,गजानन महाजन,अहेमद पठाण,भरत महाजन,छोटू महाजन, विनोद रोकडे, कमलेश बोरसे, सतीश बोरसे, बिट्टू ठाकरे, अविनाश चौधरी, गोलू चौधरी व असंख्य शिवसैनिक व पदाधिकारी उपस्थित होते.
