फैजपूर :- पोलिसांनी गुटखा वाहतुकीवर आजवरची सर्वात मोठी कारवाई केली असून सुमारे 83 लाखांचा दोन आयशर भरून गुटखा जप्त करण्यात आल्याने गुटखा तस्करांच्या गोटात प्रचंड खळबळ उडाली आहे. याप्रकरणी चौघांना बेड्या ठोकण्यात आल्या असून मुख्य म्होरक्यांचा शोध सुरू करण्यात आला आहे. गोपनीय माहितीवरून कारवाई फैजपूरचे सहाय्यक निरीक्षक निलेश वाघ यांना बर्‍हाणपूरकडून फैजपूरकडे गुटख्याची तस्करी होत असल्याची माहिती मिळाल्यानंतर त्यांनी कर्मचार्‍यांसह बुधवार, 10 रोजी पहाटे तीन वाजता सापळा रचला.
आमोदा गावाजवळील हॉटेल कुंदनजवळ आयशर क्रमांक (एम.एच.19 सी.वाय.9364 व एम.एच.19 सी.एक्स.0282) आल्यानंतर त्यांची तपासणी केली असता त्यात गुटखा असल्याने दोन्ही वाहने पोलिस ठाण्यात आणण्यात आली. पंचांसमक्ष वाहनाचा पंचनामा केल्यानंतर वाहनातून राज्यात प्रतिबंधीत असलेली 83 लाख सहा हजार 800 रुपये किंमतीचा गुटखा जप्त करण्यात आला तर 34 लाख रुपये किंमतीची दोन्ही वाहने मिळून एकूण एक कोटी 17 लाख सहा हजार 800 रुपयांचा मुद्देमाल जप्त करण्यात आला.
चौघांना पोलिसांनी ठोकल्या बेड्या ज्ञानेश्वर सुखलाल चौधरी (33, कोडगाव, ता.चाळीसगाव, ह.मु.शास्त्रीनगर, चाळीसगाव), जयेश सुभाष चांदेलकर (33, रामेश्वर कॉलनी, जळगाव), राकेश अशोक सोनार (29, रामेश्वर कॉलनी, जळगाव) व मंगेश सुनील पाटील (31, रामनगर, एमआयडीसी, जळगाव) यांना अटक करण्यात आली. विशेष म्हणजे दोन्ही आयशर वाहनामागे टाटा हॅरीअर ही गाडी पोलिसांवर लक्ष ठेवून असल्याने या गाडीतील चालक मंगेश पाटील यास ताब्यात घेवून त्यालाही सहआरोपी करण्यात आले आहे तर हा गुटखा आपला असल्याचा दावा पाटील यांनी केल्याचे समजते.
हवालदार विकास सोनवणे यांच्या फिर्यादीवरून आरोपींविरोधात गुन्हा दाखल करण्यात आला.यांनी केली कारवाईही कारवाई जळगाव पोलिस अधीक्षक एम.राजकुमार, अपर पोलिस अधीक्षक अशोक नखाते, सहाय्यक अधीक्षक अन्नपूर्णा सिंह यांच्या मार्गदर्शनाखाली सहाय्यक निरीक्षक निलेश वाघ, पोलिस उपनिरीक्षक मैन्नूदीन सैय्यद, उपनिरीक्षक मोहन लोखंडे, हवालदार गोकुळ तायडे, हवालदार विकास सोनवणे, हवालदार उमेश चौधरी, सहाय्यक फौजदार देविदास सुरदास, चालक अरुण नमायते आदींच्या पथकाने केली
हे पण वाचा
- जबरी चोरीप्रकरणी चौघांना अटक; ३७ हजारांचा मुद्देमाल हस्तगत भडगांव पोलिसांची कारवाई.
- एरंडोलला ट्रॅक्टरची चोरी,चोरटे फरार, २४ तासाच्या आत दुसरी मोठी घटना, एरंडोल पोलिसांना चोरट्यांना पकडण्याचे आवाहन.
- एरंडोल न.पा.च्या अकार्यक्षम -बेजबाबदार प्रशासना विरूध्द बेमुदत उपोषणदि. 21 जुलै 2025 पासून एरंडोल शहर संघर्ष समिती करणार प्रांत कार्यालयासमोर उपोषण
- महिला बचत गटाच्या पदाधिका-यांची मोटारसायकलस्वारांकडून साडेचार लाख रुपयांची लुट.नागरिकांमध्ये भीतीचे वातावरण…
- माता तू वैरीण!अविवाहित महिलेचे प्रियकरासोबत शारीरिक संबंध दोनवेळा प्रेग्नंट, जन्मताच रडत्या बाळांना संपवलं… प्रियकर स्वतः गेला पोलिसात.
