जळगाव :- शेअर मार्केटमध्ये गुंतवणूक करून नफा मिळवून देण्याचे आमिष दाखवत विद्यूत कॉलनीत राहणाऱ्या ३३ वर्षीय महिलेची तब्बल ९ लाख ८२ हजारांची ऑनलाईन फसवणूक केल्याचा धक्कादायक प्रकार सोमवारी १५ जानेवारी रोजी समोर आला आहे. याप्रकरणी मंगळवारी १६ जानेवारी रोजी सायंकाळी साडेपाच वाजता जळगाव सायबर पोलीस ठाण्यात गुन्हा दाखल करण्यात आला आहे.
याबाबत अधिक असे की, विद्यूत कॉलनी परिसरात ३३ वर्षीय महिला आपल कुटुंबासह वास्तव्याला आहे. २८ नोव्हेंबर रोजी त्यांना त्यांच्या मोबाईल क्रमांकावर वेगवेगळ्या चार मोबाईल क्रमांकवरून फोन आले. आपण अपेक्स कंपनीमार्फत शेअर मार्केटमध्ये पैसे गुंतवणूक केल्यास तुम्हाला मोठ्या प्रमाणावर नफा मिळवून देतो असे सांगितले. त्यानंतर त्यांनी महिलेला अपेक्स नावाचे ॲप्लिकेशन डाऊनलोड करण्याचे सांगून शेअर खरेदी करण्याच्या नावाखाली वेळोवेळी त्यांच्याकडून ऑनलाईन पध्दतीने ९ लाख ८२ हजार रूपये वेगवेगळ्या बँक खात्यात मागवून घेतले.
दरम्यान, महिलेला नफा आणि मुद्दल ने देता त्यांची फसवणूक केली. आपली फसवणूक झाल्याचे लक्षात आल्यानंतर त्यांनी मंगळवारी १६ जानेवारी सायंकाळी साडेपाच वाजता जळगाव सायबर पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून अज्ञात चार जणांविरोधात गुन्हा दाखल करण्यात आला आहे पुढील तपास पोलीस निरीक्षक किसन नजन पाटील हे करीत आहे.
हे पण वाचा
- दुर्दैवी घटना! घरात विवाह सोहळ्याची जय्यत तयारी, एकुलत्या एक मुलाच्या हळदीच्या दिवशीच आईने घेतला जगाचा निरोप.
- एस.टी. बसमधून प्रवास करणार्‍या महिला प्रवाशाच्या अडीच लाखांच्या दागिन्यांवर एस.टी.चालकाचा डल्ला, पोलिसी खाक्यानंतर दिली कबुली.
- धक्कादायक! प्रियकराशी बोलताना अडीच वर्षांची चिमुकली व्यत्यय अन् त्रास द्यायची म्हणून संतापलेल्या आईने निष्पाप लेकीला टेरेसवरुन फेकलं अन्……
- भीषण अपघात! दुचाकी स्वाराला वाचवण्याच्या प्रयत्नात शिवशाही बस उलटली 11 जणांचा मृत्यू,20 हून अधिक प्रवासी जखमी; मृतांना तातडीने 10 लाख रुपयांची मदत.
- Viral Video: दोन दरोडेखोर पिस्तुलाचा धाक दाखवून दागिने लुटणार इतक्यात दुकानदार व कर्मचाऱ्यांनी अस केलं की चोरांचा डाव उलटवला.
