जळगाव :- जेईई परीक्षेचा निकाल नुकताच लागला आहे. जळगावातील एका विद्यार्थ्याला कमी गुण मिळाल्याने हा धक्का सहन न झाल्याने त्याने नैराश्यातून टोकाचे पाऊल उचलत राहत्या घरात गळफास घेऊन आत्महत्या केली. यश गणेश खर्च (१८, रा. जोशीवाडा, मेहरूण) असे गळफास घेतलेल्या विद्यार्थ्याचे नाव आहे. ही घटना बुधवारी (दि १४) सकाळी उघडकीस आली. याप्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे.
पोलिसांनी दिलेल्या माहितीनुसार, यशने मंगळवारी रात्री कुटुंबीयांसह जेवण केले. त्यानंतर तो वरच्या मजल्यावर गेला. बुधवारी सकाळी त्याची आई त्याला उठवण्यासाठी गेली. मात्र, त्याने दरवाजा उघडला नाही. बराच वेळ आवाज दिला तरी आतून प्रतिसाद न आल्याने त्यांनी दरवाजा तोडला. यावेळी यशने गळफास घेण्याचे आढळले. त्याला कुटुंबीयांनी तातडीने दवाखान्यात नेले. मात्र, डॉक्टरांनी त्याला मृत घोषित केले. त्याच्या मृत्यूमुळे कुटुंबीयांना जबर धक्का बसला. त्याच्या कुटुंबीयांनी रुग्णालयात मोठा आक्रोश केला.
एमआयडीसी पोलिसांना घटनेची माहिती मिळाल्यानंतर ते घटनास्थळी पोहोचले. याप्रकरणी एमआयडीसी पोलिस स्टेशनला अकस्मात मृत्यूची नोंद करण्यात आली आहे. यश हा जळगाव शहरातील जोशीवाडा परिसरात त्याच्या आई-वडिलांसह राहत होता. तो मेहरूणमधील राज विद्यालयात इयत्ता बारावीमध्ये शिक्षण घेत होता. त्याने जेईई परीक्षा दिली होती. या परीक्षेचा निकाल हा मंगळवारी (दि १३) जाहीर झाला. या परीक्षेत यशला अपेक्षेपेक्षा कमी गुण मिळाल्याने तो निराश झाला होता. या नैराश्यातून त्याने हे टोकाचे पाऊल उचलल्याचे त्याचे मामा महेंद्र सोनवणे यांनी सांगितले.
हे पण वाचा
- दुर्दैवी घटना! घरात विवाह सोहळ्याची जय्यत तयारी, एकुलत्या एक मुलाच्या हळदीच्या दिवशीच आईने घेतला जगाचा निरोप.
- एस.टी. बसमधून प्रवास करणार्‍या महिला प्रवाशाच्या अडीच लाखांच्या दागिन्यांवर एस.टी.चालकाचा डल्ला, पोलिसी खाक्यानंतर दिली कबुली.
- धक्कादायक! प्रियकराशी बोलताना अडीच वर्षांची चिमुकली व्यत्यय अन् त्रास द्यायची म्हणून संतापलेल्या आईने निष्पाप लेकीला टेरेसवरुन फेकलं अन्……
- भीषण अपघात! दुचाकी स्वाराला वाचवण्याच्या प्रयत्नात शिवशाही बस उलटली 11 जणांचा मृत्यू,20 हून अधिक प्रवासी जखमी; मृतांना तातडीने 10 लाख रुपयांची मदत.
- Viral Video: दोन दरोडेखोर पिस्तुलाचा धाक दाखवून दागिने लुटणार इतक्यात दुकानदार व कर्मचाऱ्यांनी अस केलं की चोरांचा डाव उलटवला.
