पुणे :- व्हॅलेंटाईन डेच्या पार्श्वभूमीवर अल्पवयीन मुलीने संबंध ठेवण्यास नकार दिल्याने एका मजनूने स्वत:च्या हातावर ब्लेडने मारुन घेऊन स्वत:ला जखमी करण्याचा प्रकार समोर आला आहे.याप्रकरणी भारती विद्यापीठ पोलिसांनी युवराज रवींद्र बारडे (वय २४, रा. पर्वती दर्शन) याच्यावर गुन्हा दाखल केला आहे. याबाबत दत्तनगर परिसरातील एका १६ वर्षाच्या तरुणीने भारती विद्यापीठ पोलीस ठाण्यात फिर्याद (गु. रजि. नं. १४०/२४) दिली आहे. हा प्रकार फिर्यादीच्या राहत्या घरी मंगळवारी दुपारी सव्वा दोन वाजता घडला.
याबाबत पोलिसांनी दिलेल्या माहितीनुसार, आरोपी युवराज बारडे याने फिर्यादी यांच्याशी २०२३ पासून मैत्री करुन त्यांच्याशी जवळीक वाढविली. तू आवडतेस तुला मीच शिवणार, तुझ्यावर फक्त माझाच अधिकार आहे, बोलत असे़ जर माझ्याशी नाही बोलली व माझ्याशी संबंध नाही ठेवले तर मी माझे बरेवाईट करुन घेईल, अशी धमकी देत असत. फिर्यादी यांच्याशी लैगिक संबंध ठेवण्याच्या उद्देशाने तो बोलू लागल्याने फिर्यादी या घरी निघून आल्या. त्यांचा पाठलाग करुन तो फिर्यादीच्या घरी आला. फिर्यादी यांनी त्याच्याशी संबंध ठेवण्यासाठी नकार दिल्याने तुम्हाला आता दाखवतोच काय असते ते असे म्हणून स्वत:ला ब्लेडने मारुन घेऊन जखमी केले आहे. पोलिसांनी या मजनूविरुद्ध पोक्सो व विनयभंगाचा गुन्हा दाखल केला असून सहायक पोलीस निरीक्षक स्वप्नील पाटील तपास करीत आहेत.
हे पण वाचा
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
