जळगाव : सोशल मीडियावर मुख्यमंत्री उद्धव ठाकरे यांच्याविरोधात आक्षेपार्ह पोस्ट करणाऱ्या प्रौढाला शिवसेना कार्यकर्त्यांनी चोपले आहे. जळगावमध्ये खान्देश मॉलमध्ये ही घटना घडली. माफी मागितल्यानंतर शिवसेना कार्यकर्त्यांनी त्या व्यक्तीला सोडून दिले. दरम्यान, या प्रौढाने पोलिसांत तक्रार केलेली नाही.
धरणगाव तालुक्यातील एका प्रौढाने हा फोटो व्हायरल केला होता. हा प्रौढ कुटुंबासह रविवारी खान्देश सेंट्रल मॉल येथे चित्रपटगृहात आला होता. ही माहिती मिळताच शिवसेनेचे सहसंपर्क प्रमुख गुलाबराव वाघ, जिल्हाप्रमुख विष्णू भंगाळे, महानगरप्रमुख शरद तायडे, माजी महानगरप्रमुख गजानन मालपुरे, महिला आघाडीच्या मंगला बारी, शोभा चौधरी, ज्योती शिवदे यांच्यासह अनेक शिवसैनिक तेथे पोहोचले. त्यांनी संबंधित प्रौढाला चोप दिला. यामुळे परिसरात अर्धा तास तणाव निर्माण झाला होता.
आपल्याकडून चुकीची पोस्ट टाकली गेली. म्हणत त्याबद्दल माफी मागतो, असं हेमंत द्वितीये याने म्हटल्याने त्याला नंतर सोडून देण्यात आले.
