जालना:- एक धक्कादायक बातमी समोर आली आहे, जिल्ह्यातील शिंगाडे पोखरी हद्दीत एका प्रेमी युगुलानं गळफास घेत आत्महत्या केली आहे. या घटनेनं खळबळ उडाली आहे.समोर आलेल्या माहितीनुसार हे दोघेही छत्रपती संभाजीनगर येथील रांजनगावमधील रहिवासी आहेत. कैलास काशिनाथ गवई आणि मुक्ता रामेश्वर खंडागळे अशी आत्महत्या केलेल्या जोडप्याचं नाव आहे. घटनेची माहिती मिळताच पोलीस ताडडीनं घटनास्थळी दाखल झाले आहेत.
घटनेबाबत अधिक माहिती अशी की, जालना जिल्ह्यातल्या शिंगाडे पोखरी हद्दीत एका प्रेमीयुगुलाने झाडाला गळफास घेतल्याची घटना घडली आहे. कैलास काशिनाथ गवई आणि मुक्ता रामेश्वर खंडागळे अशी मृतांची नावं आहेत. ते दोघेही छत्रपती संभाजीनगर जिल्ह्यातील रांजणगाव येथील रहिवासी असल्याची माहिती समोर येत आहे.हे दोघेही आपल्या दुचाकीवर आले होते. त्यानंतर तालुक्यातील शिंगाडे पोखरी पाटीजवळ त्यांनी रस्त्याच्या बाजूला दुचाकी लावली आणि दोघांनीही झाडाला गळफास घेत आपली जीवनयात्रा संपवली.
दरम्यान या घटनेची माहिती मिळताच मोजपुरी पोलीस स्टेशनच्या पोलिसांनी घटनास्थळी येऊन पंचनामा केला, पुढील कार्यवाही सुरू असल्याची माहिती पोलिसांकडून देण्यात आली आहे. दरम्यान त्यांनी टोकाचं पाऊल का उचललं याचं नेमकं कारण अद्याप समोर आलेलं नाहीये.
हे पण वाचा
- भाजीपाला घेऊन घरी जात असलेल्या महिलेस मारहाण करून गळ्यातील मंगळसूत्र अन् मोबाइल पतीनेच पळवले, काय आहे प्रकरण वाचा.
- एरंडोल तालुक्यातील रिंगणगाव येथे चौदा वर्षीय अल्पवयीन बालकाची गळा चिरून हत्या; संतप्त ग्रामस्थांचा राष्ट्रीय महामार्गावर आंदोलन.
- 33/11 केव्ही क्षमतेचा उपकेंद्राचे शिरसमणी येथे आमदार मा.अमोलदादा पाटील यांच्या शुभहस्ते भुमीपुजन….
- चाळीसगाव तालुक्यात वीज पडून तिघांचा मृत्यू, एकजण जखमी.
- एरंडोल चे माजी नगराध्यक्ष अपघातात गंभीर जखमी; माजी नगरसेविका पत्नी कल्पना महाजन यांनी केली घातपात असल्याची तक्रार.
