जळगाव :- गोल्डवर लोन देणारी जळगाव शहरातील मनप्पुरम फायनान्स लीमीटेड या संस्थेत बनावट सोने तारण करून पैसे उकळणारी टोळीचा पर्दाफाश करण्यात जळगाव शहर पोलीसांना यश आले आहे.यात चार जणांना पोलीसांनी अटक केली असून याप्रकरणी शहर पोलीस ठाण्यात गुन्हा दाखल करण्यात आला आहे. संशयित आरोपी हे आग्रा आणि जळगावातील असल्याचे समोर आले आहे.हर्षल रविंद्र पेटकर, (वय २३ रा. नवीपेठ, जळगाव) वर्षे हे मनप्पुरम फायनान्स लिमीटेड या खाजगी संस्थेत व्यवस्थापक म्हणून काम पाहतात. मनप्पुरम फायनान्स लिमीटेड संस्थेचे नवीपेठ परिसरातील कुकरेजा कॉम्प्लेक्समध्ये कार्यालय आहे.

सोने तारण ठेवून कर्ज उपलब्ध करून देण्याचे काम केले जाते.मनप्पुरम फायनान्स लिमीटेड संस्थेत १ जून रोजी बँकेत सायंकाळी ४.३५ च्या सुमारास आलेले जोराराम रानुराम बिस्नोई, खेतेंद्र ओमप्रकाश शर्मा यांनी बनावट, खोटे सोन्याचा मुलामा चढवलेले दागिने खरे भासवून गहाण ठेवुन त्याबदल्यात कर्ज रुपी २ लाख ६६ हजार रुपये स्वतःच्या फायद्याकरीता लबाडीने मिळविले होते. ५ जून रोजी तशाच प्रकारचे दागिने घेऊन दोन इसम आल्याने ते पाहून व्यवस्थापक चक्रावले. तपासणी केली असता ते सोने बनावट असल्याचे त्यांचा लक्षात आले, त्यामुळे त्यांनी अगोदर सोने ठेवलेल्या दोघांना ज्यादा ४० हजार देण्याचे आमीष देत बोलावून घेतले.

बुधवारी ६ जून रोजी सकाळी ११ वाजेच्या सुमारास जोराराम रानुराम बिस्नोई, खेतेंद्र ओमप्रकाश शर्मा वर्षे हे वाढीव रक्कम घेण्यासाठी आले होते. बँकेचे सहकारी आणि व्यवस्थापक यांनी दोघांना कार्यालयात थांबवले आणि शहर पोलिसांना बोलावले. शहर पोलिसांनी धाव घेत दोघांना ताब्यात घेतले. अधिक चौकशी करता एका लॉजमध्ये थांबलेले सतिषचंद शोवरन सिंग (वय-३२) आणि संतोष मुन्नालाल कुशवाह (वय-३५) दोन्ही रा. आग्रा, उत्तरप्रदेश यांना ताब्यात घेतले.याप्रकरणी जळगाव शहर पोलीस ठाण्यात जोराराम रानुराम बिस्नोई (वय-५०) रा. दोडासर ता.जि.फलौदी, राजस्थान ह.मु. नशिराबाद ता. जि. जळगाव, सोन्याचा कारागीर खेतेंद्र ओमप्रकाश शर्मा, (वय-३१) रा. आग्रा, उत्तर प्रदेश ह.मु. बालाजीपेठ जळगाव, सतिषचंद शोवरन सिंग, (वय-३२) आणि संतोष मुन्नालाल कुशवाह (वय-३५) दोन्ही रा. आग्रा, उत्तरप्रदेश शहर पोलीसात गुन्हा दाखल करण्यात आला. पुढील तपास हवालदार रविद्र सोनार करीत आहे.

हे पण वाचा

• अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
• एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
• खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
• एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
• ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.