यावल : तालुक्यातील फैजपूर येथील इस्लामपुरा भागातील २३ वर्षीय विवाहितेचा माहेरून पतीला रिक्षा घेण्यासाठी ७० हजार रुपये आणावे म्हणून चौघांनी छळ केला. पैसे आणले नाही म्हणून पतीने तिला १० जून रोजी रात्री बेकायदेशीर रित्या तीन वेळा तलाक सांगितले. तेव्हा याप्रकरणी फैजपूर पोलीस ठाण्यात चार जणाविरूध्द मुस्लिम महिला विवाहाच्या अधिकाराचे संरक्षण, कायद्यासह विविध कलमान्वये गुन्हा दाखल करण्यात आला आहे.
फैजपूर शहरात इस्लामपुरा आहे. या इस्लामपुरा भागातील शाहिदा परवीन शेख उमर फारूक वय २३ वर्षे या विवाहितेने फैजपूर पोलीस ठाण्यात दिलेल्या फिर्यादीनुसार तिचा विवाह १२ जुलै २०१९ रोजी शेख उमर फारूक शेख शाकीर रा.फैजपूर यांच्या सोबत झाला होता. विवाह नंतर पती शेख उमर फारुक शेख शाकीर, सासरे शेख शाकीर शेख इस्माईल, सासू हसीनाबी शेख शाकीर व दिर नदीम शेख शाकीर या चौघांनी विवाहितेचा पतीला रिक्षा घेण्यासाठी माहेरून ७० हजार रुपये आणावे म्हणून छळ केला व तिला शारीरिक आणि मानसिक त्रास दिला.
विवाहितेने पैसे आणले नाही म्हणून तिला १० जून सोमवार रोजी रात्री साडेनऊ वाजता पती शेख उमर फारूक याने तीन वेळा बेकायदेशीर रित्या तलाक बोलला. तेव्हा या प्रकरणी विवाहितेच्या फिर्यादीवरून फैजपूर पोलीस ठाण्यात मुस्लिम महिला विवाहाच्या अधिकाराचे संरक्षण, कायदा २०१९ चे कलम ४ तसेच विवाहितेचा छळ करणे आदी कलमान्वये चार जणाविरुद्ध गुन्हा दाखल करण्यात आला आहे. पुढील तपास सहायक पोलीस निरीक्षक निलेश वाघ यांच्या मार्गदर्शनाखाली सहायक फौजदार रशीद तडवी करीत आहे.
हे पण वाचा
- Viral Video: पोलीस स्टेशनबाहेरच गर्लफ्रेंड आणि बॉयफ्रेंडमध्ये जोरदार राडा; दोघांनी एकमेकांना धु धु धुतले पहा धक्कादायक व्हिडिओ.
- पैशाच्या लालसेपोटी सेवानिवृत्त परिचारीकेच्या केला होता खून; या गुन्ह्यातील ३० लाखांची रक्कम नातेवाईकांना केली परत.
- शेअर मार्केटिंगसाठी लोकांकडून पैसे का घेतो असे बोलण्याच्या राग आल्याने धरणगावात वृद्ध आजीवर नातवाने केला हल्ला. अज्ञाताने हल्ला करून पळून गेल्याच्या केला बनाव.
- पारोळा शिवारात 40 वर्षीय महिलेचा डोक्यात दगड टाकून खून;महिलेची ओळख पटली,आरोपी गजाआड, पारोळा पोलिसांची कामगिरी
- दोघांच्या लग्नाला झाली १३ वर्षे, अचानक महिलेस भेटला तिच्या प्रियकर, दोघांच्या मनावर राहिला नाही ताबा अन् मग पतीने असे केले की……
