यावल :- तालुक्यातील राजोरे या गावातील एका ३६ वर्षीय तरुणाची दोन अज्ञातांनी ऑनलाईन ट्रेडिंगमध्ये जास्त फायदा करून देऊ असे सांगून तब्बल २६ लाख ७४ हजारात फसवणूक केली आहे. सदर तरुणाला दोघांनी एक टेलिग्रामवरील लिंक पाठवुन त्याचा विश्वास संपादन करून रजिस्ट्रेशन करायला लावले आणि त्याचा विश्वासघात करून त्याची फसवणूक केली तेव्हा या प्रकरणी सायबर पोलीस ठाणे जळगाव येथे तरुणाने दिलेल्या फिर्यादीवरून दोन अज्ञात व्यक्तीने विरुद्ध गुन्हा दाखल करण्यात आला आहे.
राजोरे ता.यावल येथील रहिवासी चेतन विनायक नेहेते वय ३६ या तरुणाला टेलिग्राम या सोशल वर दीपक राज व लेझर्ड एव्हीलीन नामक सोशल नेटवर्कवरील आयडी असलेल्या दोघांनी संपर्क साधला.व त्यांचा विश्वास संपादन करून आम्ही तुम्हाला ऑनलाईन ट्रेडिंगमध्ये जास्त फायदा करून देवु असे सांगत दिनांक १० मे २०२४ ते ०६ जून २०२४ या दरम्यान वेळोवेळी त्यांच्याकडून ऑनलाइन स्वरूपात २६ लाख ७४ हजार रुपयाची रक्कम घेतली.
आणि ती परत न करता त्याची फसवणूक केली. आपली फसवणूक झाली हे निदर्शनास आल्यानंतर चेतन नेहेते याने थेट जळगाव येथील सायबर पोलीस ठाणे गाठले आणि सोशल नेटवर्क वरील दीपक राज व लेझर्ड एव्हीलीन आयडी ओळख असलेल्या दोन अज्ञात व्यक्तीविरुद्ध फसवणुकीचा गुन्हा दाखल करण्यात आला आहे पुढील तपास पोलीस निरीक्षक दत्तात्रय निकम करीत आहे.
हे पण वाचा
- Viral Video: पोलीस स्टेशनबाहेरच गर्लफ्रेंड आणि बॉयफ्रेंडमध्ये जोरदार राडा; दोघांनी एकमेकांना धु धु धुतले पहा धक्कादायक व्हिडिओ.
- पैशाच्या लालसेपोटी सेवानिवृत्त परिचारीकेच्या केला होता खून; या गुन्ह्यातील ३० लाखांची रक्कम नातेवाईकांना केली परत.
- शेअर मार्केटिंगसाठी लोकांकडून पैसे का घेतो असे बोलण्याच्या राग आल्याने धरणगावात वृद्ध आजीवर नातवाने केला हल्ला. अज्ञाताने हल्ला करून पळून गेल्याच्या केला बनाव.
- पारोळा शिवारात 40 वर्षीय महिलेचा डोक्यात दगड टाकून खून;महिलेची ओळख पटली,आरोपी गजाआड, पारोळा पोलिसांची कामगिरी
- दोघांच्या लग्नाला झाली १३ वर्षे, अचानक महिलेस भेटला तिच्या प्रियकर, दोघांच्या मनावर राहिला नाही ताबा अन् मग पतीने असे केले की……
