यावल :- तालुक्यातील दहिगाव गावात एका इसमाने १२ वर्षीय अल्पवयीन मुलीला ती कपडे धुऊन सुखायला टाकत असतांना मागून पकडून उचलून नेले. व मुलीच्या मनाला लज्जा उत्पन्न होईल असे कृत्य करीत तिचा विनयभंग केला. हि घटना ३० जुलै रोजी सायंकाळी पाच वाजेच्या सुमारास घडली तेव्हा घडलेला प्रकार बालीकेने आपल्या कुटुंबाला सांगितल्यानंतर ३१ जुलै बुधवार इसमा विरूध्द गुन्हा दाखल करण्यात आला आहे.
दहिगाव ता. यावल या गावात एक १२ वर्षीय अल्पवयीन मुलगी ही आपल्या घराच्या मागे कपडे धुऊन सुखायला टाकत होती. तेव्हा तेथे सुरेश साहेबराव माळी हा गेला आणि त्याने या अल्पवयीन मुलीचा हात पकडून उचलून ओढून नेले व तिच्या मनाला लज्जा उत्पन्न होईल असे कृत्य करीत तिचा विनयभंग केला. घडलेला प्रकार या बालिकेने रात्री आपल्या कुटुंबाला सांगितला व बालिकेच्या कुटुंबीयांनी यावल पोलीस ठाणे गाठले.
यावल पोलीस ठाण्यात बालकांचे लैंगिक शोषण पासून संरक्षण कायदा २०१२ चे कलम ८ आणि १२ प्रमाणे गुन्हा दाखल करण्यात आला आहे. पुढील तपास यावलचे पोलीस निरीक्षक प्रदीप ठाकूर यांच्या मार्गदर्शनाखाली पोलीस उपनिरीक्षक सुनील मोरे करीत आहे.
हे पण वाचा
- एरंडोल येथे खोट्या कारवाईचा बनाव करून चहा विक्रेत्याकडून १० हजारांची खंडणी; आ.अमोलदादा पाटील यांचे चार तास पोलीस ठाण्यात ठिय्या आंदोलन
- प्रत्येक बी.एल.ए.ने घराघरात जाऊन मतदारांची अचूक पडताळणी करा – आमदार मा.ॲड.अमोलदादा पाटील.
- एरंडोलला शिवसेनेने दिग्गजांना दिली पक्षीय जबाबदारी…
- एरंडोल येथे भारतरत्न डॉ.बाबासाहेब आंबेडकर जयंती उत्साहात साजरी.
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
