Viral Video: सोशल मीडियावर नेहमीच काही ना काही व्हायरल होत असते. यात बऱ्याचदा काही गाणी तुफान व्हायरल होतात आणि सोशल मीडियावर ट्रेंड बनतात. गाणं हा एक असा प्रकार आहे, ज्यात फक्त शब्दच नाही तर भावनाही जोडल्या जातात.अनेकदा आपल्याला गाण्याचे शब्द किंवा भाषा जरी माहित नसली तरी त्याच्या बिटवरूनच आपल्याला त्यावर नाचण्याची आणि ते गाणे पुन्हा पुन्हा ऐकत राहण्याची इच्छा होऊ लागते. काही महिन्यांपूर्वी असेच एक गाणे सोशल मीडियावर धुमाकूळ घालत होते. मुख्य म्हणजे हे गाणे आपल्या मराठी भाषेचं जे देशभरच नाही तर जगभर प्रसिद्ध झाले.
या मराठमोळ्या गाण्याचे नाव आहे गुलाबी साडी. असं क्वचितच कोणी तरी असावं ज्याने हे गाणे ऐकले नसावे. हे गाणे व्हायरल होताच अनेकांनी या गाण्यावर रील बनवून पोस्ट केल्या आणि या रीलदेखील त्यावेळी फार चालल्या. त्यातच आता हे गाणे पुन्हा वर डोके घेऊ इच्छित असल्याचे दिसत आहे. सध्या सोशल मेडियावर एक व्हिडिओ तुफान व्हायरल झाला आहे. यात काही परदेशी लोक जिममध्ये गुलाबी साडी गाण्यावर थिरकताना दिसले. त्यांच्यातील एनर्जी आणि उत्साह पाहून आता अनेकजण सुखावले आहेत. दर्जेदार नृत्य आणि ट्रेंडी गाणं यांचा एक उत्तम मेळ साधून आल्याचे या व्हिडिओततून दिसत आहे. आपल्या भाषेचे गाणे साता समुद्रापार पसरल्याने अनेकांना याचा सार्थ अभिमान वाटत आहे. अनेक भारतीयांनी यावर कमेंट्स करत आपल्या प्रतिक्रिया व्यक्त केल्या आहेत.
दरम्यान हा व्हिडिओ @julius_burphy नावाच्या इंस्टाग्राम अकाऊंटवरून शेअर करण्यात आला आहे. या व्हिडिओच्या कॅप्शनमध्ये लिहिले आहे की, हा रुटीन फार कठीण आहे पण कोणीही हार मानली नाही. हे गाणं फार आवडलं. या व्हिडिओला आतापर्यंत 4 लाखांहून अनेक लोकांनी पाहिले आहे. तसेच अनेकांनी यावर कमेंट्स करत आपल्या प्रतिक्रिया व्यक्त केल्या आहेत. या गाण्याचा निर्माता संजू राठोड यानेही या व्हिडिओवर कमेंट करत खूप छान असे लिहिले आहे. एखाद्या गाण्याची क्रेझ किती लांबपर्यंत जाऊ शकते आणि गाण्यातील शब्द नाही तर भावना महत्त्वाच्या असतात हे परतवून देण्यासाठी एक उत्तम उदाहरण म्हणजे हे व्हायरल गाणं आहे.
हे पण वाचा
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
