सिंधुदुर्ग :- येथून एक धक्कादायक माहिती समोर आली आहे. सासरच्या लोकांनी विजेचा शॉक देऊन जावयाची हत्या केल्याच्या घटना उघडकीस आली आहे. या प्रकरणी पोलिसांनी आरोपी पत्नीसह तिच्या कुटुंबातील तिघांवर गुन्हा दाखल केला आहे.वसंत उर्फ सागर प्रभाकर भगे (वय ३२) असं मृत्यू झालेल्या तरूणाचे नाव आहे.या प्रकरणी वसंत भगे यांच्या भावाने तक्रार दाखल केली आहे.
वेंगुर्ला पोलिसात दिलेल्या तक्रारीनुसार, वसंत हा मुळचा कुडाळ तालुक्यातील माणगाव तळेवाडी येथील रहिवासी होता. वंसत आणि त्याची पत्नी नुतन गावडे यांच्यात काही कारणास्तव वाद झाले होते. त्यामुळे ती माहेरी गेली होती. सोमवारी रात्री नुतनने वसंतला आपल्या घरी म्हणजे आडेली सातेरी गाळू येथे बोलावून घेतले. पण संशयितांनी वसंत यांची हत्या करण्यासाठी त्यांच्या घराच्या भोवती असलेल्या कंपाऊंडला विद्युत तारांचे जाळे तयार करून ठेवले होते. वंसत त्याच्या पत्नीला भेटायला गेला असताना त्या विद्युत तारांना त्याचा स्पर्श झाला आणि यातच त्याचा मृत्यू झाला.
सकाळी सासरवाड येथील एका नर्सरीजवळ त्याचा मृतदेह आढळून आला.वसंत यांच्या भावाने नुतन गावडेच्या कुटुंबियांनी जाणीवपूर्वक विजेचा शॉक देऊन वसंतची हत्या केल्याचा आरोप केला आहे.वसंत आणि त्याची पत्नी नुतन यांच्यात नेहमी वाद व्हायचे याच वादातून तिच्या कुटुंबियांनी त्याची हत्या केली असावी, असा संशय वसंतच्या भावाने व्यक्त केला आहे. याप्रकरणी वेंगुर्ला पोलिसांनी वसंतची पत्नी नूतन, सासरे शंकर गावडे आणि सासू पार्वती शंकर गावडे यांना ताब्यात घेतले असून त्यांच्यावर खुनाचा गुन्हा दाखल केला आहे.
हे पण वाचा
- Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
- आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
- पतीच्या उपचारादरम्यान हृदयविकाराच्या झटक्याने मृत्यूनंतर तीन तासांत पत्नीने संपवली जीवन यात्रा; दोघांचे एकाच चितेवर अंत्यसंस्कार
- सोशल मिडीयावर माळी समाजावरील आक्षेपार्ह मजकुराच्या निषेधार्थ एरंडोल बंद; माजी पालकमंत्री डॉ.सतीश पाटील यांच्या पुतळ्याचे दहन.
- आजचे राशी भविष्य गुरूवार दि.२१ नोहेंबर २०२४
