झुंजार । प्रतिनिधी
जामनेर :- तालुक्यातील जिल्हा परिषद प्राथमिक शाळा वडाळी दिगर येथे विद्यार्थ्यांना शैक्षणिक साहित्य वाटप कार्यक्रम राबविण्यात आला.शाळेतील शिक्षक संदिप पाटील यांनी त्यांचे वडिल स्व. मधुसूदन मंगा पाटील यांच्या जयंतीनिमित्त हा उपक्रम राबविला.कार्यक्रमाच्या अध्यक्षस्थानी शाळा व्यवस्थापन समितीचे अध्यक्ष सुरेश शिनगारे होते.
यावेळी शाळा व्यवस्थापन समितीचे उपाध्यक्ष भागवत घोरपडे,शाळा व्यवस्थापन समिती चे माजी सदस्य तथा पालक राहुल शिनगारे,अमोल शिनगारे,मुख्याध्यापक निलेश भामरे आदी उपस्थित होते.शिक्षक संदिप पाटील यांचे वडील स्व.मधुसूदन मंगा पाटील यांचा वाढदिवस हा दर वर्षी सर्व कुटुंबियांच्या उपस्थितीत मोठ्या उत्साहात साजरा करण्यात येत असे मात्र गेल्या वर्षी त्यांचे दुःखद निधन झाले.त्यांना अभिवादन म्हणून शैक्षणिक साहित्य वही व पेन वाटपाचा उपक्रम आयोजित केल्याचे संदिप पाटील यांनी सांगितले.वडिलांच्या जयंतीनिमित्त जिल्हा परिषद शाळेतील विद्यार्थ्यांना शैक्षणिक विकासासाठी आवश्यक असलेले शैक्षणिक साहित्य वाटप हा एक विधायक उपक्रम असल्याचे मत उपस्थित सर्व मान्यवरांनी व्यक्त केले.
