धुळे – जिल्ह्यातील शिरपूर तालुक्यातील सावळदे येथील बनावट नोटा छापणाऱ्या रॅकेटचा पोलिसांनी पर्दाफाश केला आहे. याप्रकरणी पोलिसांनी दोघा संशयितांना ताब्यात घेतले आहे. त्यांच्याकडून छपाई करण्यासाठी वापरण्यात आलेले प्रिंटरसह इतर साहित्य जप्त करण्यात आले आहे. शिरपूर शहर पोलिसांनी भरदुपारी केलेल्या कारवाईमुळे तालुक्यात एकच खळबळ उडाली आहे.
मिळालेल्या माहितीनुसार, शिरपूर शहर पोलीस पथकाला बनावट नोटा छपाईसंदर्भात गोपणीय माहिती प्राप्त झाली होती. त्या माहिती नुसार शहर पोलीसांनी शिरपूर तालुक्यातील सावळदे येथे बनावट नोटा छपाई करणाऱ्या दोन जणांवर कारवाई केली आहे. तालुक्यातील सावळदे येथील राहत्या घरातच बनावट नोटा छपाई करण्यात येत असल्याची गोपणीय माहिती शिरपूर पोलीसांना मिळाली होती.
त्या माहितीच्या आधारे पोलीसांनी शिताफीने सावळदे येथील घरावर छापा टाकत बनावट नोटा व छपाई करण्यासाठी वापरण्यात आलेले प्रिंटरसह इतर साहित्य पोलीसांनी जप्त केले आहे. याबाबत शिरपूर तालुक्यातील दहिवद येथील घराची झाडाझती करण्यात आली आहे.
