एरंडोल :- राज्य परिवहन महामंडळाच्या एरंडोल बस आगारातर्फे इंधन बचत या विषयावर कार्यक्रमाचे आयोजन करण्यात आले.सदर कार्यक्रमाचे उद्घाटन डी.डी.एस.पी.महाविद्यालयाचे प्रा.एन.ए.पाटील यांच्या हस्ते करण्यात आले.कार्यक्रमाचे अध्यक्षस्थानी आगार प्रमुख विजय पाटील होते.कार्यक्रमाचे प्रास्तावीक आगार लेखाकार रविंद्र पाटील तर सुत्रसंचालन वरिष्ठ लिपीक सतिश महाजन यांनी केले. प्रमुख वक्ते प्रा.एन.ए.पाटील यांनी मार्गदर्शन करतांना इंधन म्हणजे काय, इंधनाचे प्रकार, इंधनाची बचत का करावी आणि कशी करावी यासाठी पुढील उपाय सांगितले.वाहन चालवितांना वाहनाचा वेग हळुवारपणे वाढवा आणि स्थिर गती राखा , टृॅफिक सिगनल लाल असेल तर इंजिन बंद करा , टायरचे प्रेशर (दाब) नियमत मोजा व योग्य दाब ठेवा , वाहनाची सर्विसींग नियमीत करा , वैयक्तिक वाहन वापरण्याऐवजी सार्वजनिक वाहनाचा म्हणजे बसचा वापर करा असे सांगून , इंधन वाचवा , पैसा वाचवा , पर्यावरण वाचवा असा संदेश दिला.या कार्यक्रम प्रसंगी वाहन निरीक्षक योगिता बर्हाटे मॅडम , हेड मेकॅनिक श्री.सुनिल पाटील , दिनेश सपकाळे ,वाहक , चालक , आगार कर्मचारी उपस्थित होते.
