सावदा प्रतिनिधी:(प्रशांत सरवदे) :- महावितरणकडून धडक मोहीम हाती घेण्यात आली आहे. या मोहिमेअंतर्गत रावेर तालुक्यातील सावदा या गावांमध्ये तपासणी करण्यात आली. या तपासणीत काही ठिकाणी मीटरमध्ये छेडछाड करत वीज चोरी केल्याचे निदर्शनास आले. यामुळे गावातील ७७ वीज ग्राहकांचे मीटर तपासणीसाठी महावितरणने ताब्यात घेतले आहेत. यात काही निष्पन्न झाल्यास पुढील कारवाई करण्यात येणार आहे. राज्य विद्युत वितरण कंपनीच्या वतीने ठिकठिकाणी तपासणी मोहीम राबविली जात आहे. शहरात तपासणी करण्यासोबतच आता ग्रामीण भागात देखील कारवाई सुरु करण्यात आली आहे. यामुळे वीज चोरी करणाऱ्यांचे आता चांगलेच धाबे दणाणले आहे. त्यानुसार गुरुवारी व शुक्रवारी महावितरणचे जळगाव चाळीसगाव धुळे नाशिक भडगाव पाचोरा येथील अधिकारी पथक रावेर तालुक्यातील सावदा या गावात आले होते यामध्ये माजी नगरसेवक यांच्या घराचे विद्युत मीटर चेक करण्यात आले आणि माजी नगरसेवक विज चोरी संशयित आढळून आले आहे
डिजिटल मीटर बसविणार
राज्य विद्युत वितरण कंपनीकडून विविध चोरी विरुद्ध धडक मोहीम राबवण्यात येत आहे. रावेर तालुक्यात पथक पोहचून सावदा गावात करण्यात आली असून लवकरच इतर गावांमध्ये देखील कर्मचाऱ्यांच्या वतीने डिजिटल मीटर बसून जुने मीटर काढण्यात येणार असल्याचे कंपनीच्या वतीने सांगण्यात आले आहे. वीजचोरी विरुद्ध धडक मोहीम राबवण्यात आली. यामध्ये सावद्यातील ७७ घरांमधील मीटर हे तपासणी कामी काढण्यात आले आहे. मीटर मध्ये छेडछाड झाल्याचा संशय आहे.तर दंड आकारला जाणार महावितरणने ताब्यात घेतलेल्या मीटरची वरिष्ठ पातळीवर तपासणी केली जाणार आहे. तर आता नागरिकांच्या घरात पूर्वीचे जुने मीटर एवजी नवीन स्मार्ट डिजिटल मीटर लावले जाणार आहेत. अशा संशयीत मीटर मधील तफावत व संबंधितांनी चोरी केलेलील असल्यास त्यांची तपासणी केली जाणार आहे. यात काही आढळून आल्यास वीज युनिट नुसार त्यांना दंडाची नोटीस दिली जाणार असल्याचे विद्युत वितरण कंपनीकडून सांगण्यात आले आहे.
