ठाणे :- येथे एक धक्कादायक प्रकार समोर आला आहे. येथील एका शैक्षणिक संस्थेच्या 54 वर्षीय संस्थापकानं महिला शिक्षकावर वारंवार बलात्कार केल्याचा आरोप आहे. या आरोपावरुन पोलिसांनी त्याला अटक केली आहे, अशी माहिती पोलिसांनी दिली आहे.
आरोपीला रात्री घेतलं ताब्यात
श्री नगर पोलिस ठाण्याचे वरिष्ठ निरीक्षक गुलजारीलाल फडतरे यांनी सांगितले की, आरोपी रमेशचंद्र शोभनाथ मिश्रा यांना गुरुवारी रात्री ताब्यात घेण्यात आले.
2015 पासून पीडितेवर वारंवार अत्याचार
42 वर्षीय शिक्षिकेने तिच्या तक्रारीत म्हटले आहे की, मिश्रा यांनी तिला नोकरी देण्यासाठी तिच्याकडून 6 लाख रुपये घेतले आणि 2015 पासून मिश्रा यांच्या शिक्षण संस्थेत नोकरी सुरू ठेवण्यासाठी तिच्यावर लैंगिक अत्याचार करत होते. मिश्रा यांनी तिला कायम करण्याचे आश्वासनही दिले होते, असे शिक्षिकेने पोलिसांना सांगितले.
मिश्रासह चार जणांवर लैंगिक छळाचा गुन्हा दाखल
काही शिक्षकांच्या तक्रारीवरून शैक्षणिक संस्थेतील मिश्रासह चार जणांवर लैंगिक छळाचा गुन्हा दाखल करण्यात आला आहे. त्यानंतर महिलेने पोलिसांना तिच्यासोबत घडलेल्या घटनेची माहिती, असे गुलजारीलाल फडतरे यांनी सांगितले.
मिश्रा यांना अटक
पीडित शिक्षिकेचा तक्रारीवरुन मिश्रा यांना अटक करण्यात आली आहे, असे पोलिसांनी सांगितले.
