जळगाव :- घरगुती गॅस अवैधरीत्या रिक्षामध्ये भरण्यात येणाऱ्या सेंटरवर स्थानिक गुन्हे शाखेच्या कर्मचाऱ्यांनी छापा टाकून 1लाख 70 हजार रुपयेचा मुद्देमाल जप्त केला. याप्रकरणी बाजारपेठ पोलिसात गुन्हा दाखल करण्याची प्रक्रिया सुरू आहे.मिळालेल्या माहिती नुसार, सकाळी भुसावळ शहरातील बाजारपेठ पोलीस स्टेशन हद्दीमध्ये घरगुती गॅस सिलेंडर अवैधरित्या रिक्षामध्ये गॅस भरताना स्थानिक गुन्हे शाखेचा कर्मचाऱ्यांनी धाड टाकून 27 गॅस हंडी, एक रिक्षा पंप व इतर साहित्य असा 1लाख 70 हजाराचा मुद्देमाल जप्त केला.
याप्रकरणी आरोपी शेख नौशाद शेख नजीर, रवींद्र चौधरी यांना ताब्यात घेण्यात आले त्याच्या विरोधात भुसावळ बाजारपेठ पो.स्टे.ला CCTNS NO ६२/२०२५ अत्यावश्यक वस्तु कायदा ३ व ७ प्रमाणे गुन्हा दाखल करण्यात आला आहे.
सदरची कारवाई ही मा.डॉ.श्री महेश्वर रेड्डी, पोलीस अधीक्षक, जळगाव, मा.श्री अशोक नखाते, अपर पोलीस अधीक्षक, जळगाव, परिविक्षाधीन उपविभागीय पोलीस अधिकारी श्री केदार बारबोले, मा.श्री.बबन आव्हाड, पोलीस निरीक्षक, स्थागुशा जळगाव यांचे मार्गदर्शनाखाली पोउपनिरी श्री शरद बागल, पोह कमलाकर बागुल, गोपाल गव्हाळे, संघपाल तायडे, सचिन पोळ, भारत पाटील सर्व नेम. स्थागुशा जळगाव यांनी केली आहे.
