वैशाली (बिहार) :- राहुल स्पर्धा परीक्षेची तयार करत होता. दरम्यान एका मुलीवर त्यांचे प्रेम जडले. दोघेही एकमेकांवर खूप प्रेम करत होते. पण ज्यावेळी राहुलची पोलीस उप निरीक्षकपदी निवड झाली. तेव्हा त्याने दुसऱ्या मुलीबरोबर कोर्ट मॅरेज केले.पुढच्या महिन्यांना हिंदू रितीरिवाजानुसार विवाह करणार होता. इतक्यात त्याच्या लग्नाची माहिती प्रेयसीला कळाली. तिथे थेट पोलीस स्टेशन गाठले. राहुलविरुद्ध लैगिंक छळाच्या आरोपाखाली तक्रार दाखल केली. आणि नव्यानेच पोलीस अधिकारी झालेल्या राहुलला पोलिसांनी अटक करून तुरूगांची हवा दाखवली.
घटनेची सविस्तर माहिती अशी…
बिहारमधील वैशाली जिल्ह्यातील बिदूपूर पोलीस ठाण्यात कार्यरत असलेल्या एका उपनिरीक्षकाला लैंगिक छळाच्या आरोपाखाली पोलिसांनी अटक केली आहे. सदर रुग्णालयात वैद्यकीय तपासणी केल्यानंतर पोलिसांनी अटक केलेल्या उपनिरीक्षकाला न्यायालयीन कोठडीत तुरुंगात पाठवले आहे.
जमुई जिल्ह्यातील रहिवासी महेश प्रसाद सिंह यांचा मुलगा राहुल कुमार याचे एका मुलीसोबत प्रेमसंबंध होते. त्या मुलीने महिला पोलीस ठाण्यात राहुलविरुद्ध एफआयआर दाखल केला होता. पोलिसांनी उपनिरीक्षकाला अटक करून तुरुंगात पाठवले. मिळालेल्या माहितीनुसार, राहुल कुमारने सुमारे 6 महिन्यांपूर्वी एका विभागीय मुलीसोबत कोर्ट मॅरेज केले होते. मार्च महिन्यात हिंदू रितीरिवाजांनुसार तो पुन्हा लग्न करणार होता. याची माहिती त्याच्या मैत्रिणीला कळताच ती पोलीस ठाण्यात पोहोचली.
नेमकं प्रकरण काय?
जमुई येथील रहिवासी राहुल कुमार याची बेगुसराय जिल्ह्यातील एका मुलीशी ओळख झाली. त्यानंतर दोघांमध्ये प्रेमसंबंध सुरू झाले. असं म्हणतात, की त्यावेळी निरीक्षक पाटण्यात उपनिरीक्षक पदाची तयारी करत होते, त्याच दरम्यान त्याचे मुलीशी प्रेमसंबंध सुरू झाले. यानंतर, निरीक्षक दुसऱ्या मुलीशी लग्न करण्याच्या तयारीत होता, हे बेगुसरायच्या मुलीला कळले. ती हाजीपूरला पोहोचली आणि महिला पोलीस ठाण्यात एफआयआर दाखल केला.
निरीक्षकाने प्रेमसंबंध आणि लग्नाचे आमिष दाखवून तिचे लैंगिक शोषण केल्याचा आरोप करण्यात आला आहे. मिळालेल्या माहितीनुसार, निरीक्षकाचे लग्न 3 मार्च रोजी वैशाली जिल्ह्यातील भगवानपूर येथील एका मुलीशी ठरले होते. मात्र, ज्या जिल्ह्यात लग्न होणार होते, त्याच जिल्ह्यातील पोलिसांनी निरीक्षकाला अटक करून तुरुंगात पाठवले. सदर 2 चे डीएसपी गोपाल मंडल यांनी सांगितले, की एका मुलीने महिला पोलीस ठाण्यात अर्ज दिला होता, ज्याच्या आधारे कारवाई करण्यात आली आणि बिदूपूर पोलीस ठाण्यात कार्यरत असलेले उपनिरीक्षक राहुल कुमार यांना लैंगिक छळाच्या प्रकरणात अटक करून तुरुंगात पाठवण्यात आले आहे.
