Video :विदिशा :- तृतीयपंथीयांनी ट्रेनमध्ये एका तरुणाची बेदम मारहाण करत हत्या केल्याची धक्कादायक घटना समोर आली आहे. मध्य प्रदेशातील विदिशा येथे ही घटना घडली असून, एक व्हिडीओ सध्या सोशल मीडियावर व्हायरल होत आहे.या व्हिडीओत तृतीयपंथी तरुणाला अत्यंत अमानुषपणे मारहाण करताना दिसत आहेत. मृत तरुणाची ओळख आदर्श विश्वकर्मा अशी झाली आहे. तो गंजबसौदा येथे वास्तव्यास होता. नोकरीच्या निमित्ताने तो रोज गंजबसौदा ते भोपाळ असा प्रवास करत असे.मिळालेल्या माहितीनुसार, आदर्श 15 मार्चच्या रात्र गोंडवाना एक्स्प्रेसमधून गंजबसौदाला परतत होता. प्रवासात असताना रांचीच्या आसपास तृतीयपंथीयांनी पैसे मागण्यास सुरुवात केली. यावेळी पैसे न देण्यावरुन तृतीयपंथी आणि आदर्शमध्ये वाद झाला. हा वाद इतका वाढला की, तृतीयपंथीयांनी निर्दयीपणे त्याला मारहाण केली.
व्हिडीओत आदर्श खाली पडला असून, तृतीयपंथी त्याच्या अंगावर उड्या मारताना दिसत आहे. यादरम्यान एक प्रवासी तो मेला आहे, आता तरी थांबा असं सांगत असल्याचं ऐकू येत आहे.पोलिसांना रेल्वे ट्रॅकच्या जवळ आदर्शचा मृतदेहा आढळला होता. यानंतर पोलिसांनी तपास सुरु केला होता. त्याचदरम्यान सोशल मीडियावर हा व्हिडीओ व्हायरल झाला असता चित्र जवळपास स्पष्ट झालं आहे.”व्हिडिओ समोर आल्यानंतर, पोलिस अधीक्षकांनी विश्वकर्माच्या मृत्यूची चौकशी करण्याचे आदेश दिले आहेत. त्यांचा शवविच्छेदन अहवाल प्रतीक्षेत आहे,” असं गंजबासोदा पोलिस ठाण्याचे प्रभारी योगेंद्र सिंग परमार यांनी सांगितलं आहे.
कुठे घडला हा प्रकार आणि कोण आहे मयत तरुण?…..
मध्य प्रदेशातील विदिशा जिल्ह्यात ही खळबळजनक घटना घडली आहे. तृतीयपंथींनी एका तरुणाला ट्रेनमध्ये इतके मारहाण केली की त्याचा मृत्यू झाला. मारहाणीचा व्हिडिओ सोशल मीडियावरही व्हायरल होत आहे. मृताचे नाव आदर्श विश्वकर्मा असे आहे, तो विदिशा जिल्ह्यातील गंजबासोडा येथील रहिवासी होता. तो त्याच्या कामासाठी दररोज गंजबासोदा ते भोपाळ ट्रेनने प्रवास करत असे.
8 ते 10 तृतीयपंथींनी केला हल्ला……
मिळालेल्या माहितीनुसार, मृत आदर्श रात्री गोंडवाना एक्सप्रेसने गंजबासोडाला परतत होता. दरम्यान, सांचीजवळ वाटेत, काही तृतीयपंथी लोकांनी त्याच्याकडे पैसे मागितले आणि जेव्हा त्याने पैसे देण्यास नकार दिला. यामुळे आदर्श आणि या तृतीयपंथीयांमध्ये वाद झाला. हा वाद इतका वाढला की या तृतीयपंथीयांनी आदर्शला धावत्या ट्रेनमध्ये बेदम मारहाण केली. धावत्या ट्रेनमध्ये 8 ते 10 तृतीयपंथींनी आदर्शला इतक्या क्रूरपणे मारहाण केली की या मारहाणीमध्ये त्याचा मृत्यू झाला. त्याचा मृतदेह गंजबासोडा रेल्वे ट्रॅकजवळ आढळला.
कोणीच तरुणाला वाचवण्यासाठी पुढे आलं नाही….
या घटनेच्या व्हायरल झालेल्या व्हिडिओमध्ये, तृतीयपंथी आदर्शला रेल्वेच्या डब्यात बेदम मारहाण करताना दिसत आहेत. तृतीयपंथींनी आदर्शला लाथा-बुक्क्यांनी मारहाण करत असल्याचं व्हायरल व्हिडिओमध्ये दिसत आहे. काही तृतीयपंथी आदर्शच्या अंगावर उड्या मारत आहेत. यावेळी ट्रेनमध्ये उपस्थित असलेले सर्व लोक मूक प्रेक्षक बनून राहिल्याचं दिसून आलं. कोणीही आदर्शला वाचवण्याचा आणि तृतीयपंथींना थांबवण्याचा प्रयत्न केला नाही. तुम्हीच पाहा या घटनेचा व्हायरल झालेला व्हिडीओ.
आदर्श विश्वकर्मा मंत्र्यांचा खास……..
या संदर्भात, राज्याच्या विश्वकर्मा कल्याण मंडळाचे कॅबिनेट मंत्री दर्जाचे अध्यक्ष प्रेम नारायण विश्वकर्मा म्हणाले आहेत की, आदर्श हा त्यांचा नातेवाईक होता आणि या घटनेबद्दल समाजात तीव्र संताप आहे. त्यांनी दोषींवर कडक कारवाई करण्याची मागणी केली आहे……कुटुंबाची न्यायासाठी याचना…..मंत्र्यांनी सांगितलं की, आदर्श विश्वकर्मा दररोज गंजबासोदा ते भोपाळ असा प्रवास करत असे. तृतीयपंथीयांनी त्याच्यावर ट्रेनमध्ये हल्ला केला आणि त्याला निर्घृणपणे ठार मारले. प्रशासनाने कठोर कारवाई करावी अशी आमची मागणी आहे. आदर्शचा नातेवाईक सोहन विश्वकर्मा म्हणाला की, आमचे कुटुंब न्यायासाठी याचना करत आहे. प्रशासनाने दोषींवर कडक कारवाई करावी.
पोलिसांनी काय म्हटले?…..
दरम्यान, शहर पोलिस ठाण्याचे योगेंद्र सिंह परमार म्हणाले की, ते या संदर्भात काहीही सांगू शकत नाहीत, परंतु गंजबासोदा येथील रेल्वे ट्रॅकवर एक मृतदेह निश्चितच आढळला आहे.
