झुंजार । प्रतिनिधी
एरंडोल – तालुक्यातील जवखेडेसिम प्र.उ. विविध कार्यकारी सोसायटीच्या १३ जागांसाठी ४ मे रोजी निवडणुक घेण्यात आली. या १३ जागेंच्या लढतीत १३ पैकी १३ जागांवर शिवसेनेने विजय मिळवत जवखेडेसिम प्र.ऊ. विकासोवर शिवसेनेचा भगवा फडकविला आहे.
यात गोपीचंद बळीराम आमले, ज्ञानेश्वर सखाराम पाटील, हिंमत जयराम चौधरी, हिंमत प्रेमराज पाटील, यादव माधवराव पाटील, कैलास प्रल्हाद पाटील, अभिमन रामदास पाटील, रमेश चिंतामण खेमणार, प्रेमराज वेडु पाटील, मुरलीधर धर्मागिर गोसावी, उत्तम चिंतामण सोनवणे, लिलाबाई सुभाष पाटील, अल्काबाई लोटन पाटील यांनी विजय संपादन केला.
या सर्व विजयी उमेदवारांचा व शिवसेना तालुका प्रमुख तथा पॅनल प्रमुख वासुदेव पाटील यांचा आमदार मा.आबासाहेब चिमणरावजी पाटील यांनी सत्कार करून भावी वाटचालीस शुभेच्छा दिल्या. याप्रसंगी गणेश पाटील, रविंद्र चौधरी, ज्ञानेश्वर पाटील, मोतीलाल चौधरी, मांगिलाल पाटील, संजय पाटील पंकज पाटील यांचेसह ग्रामस्थ उपस्थित होते.
