झुंजार । प्रतिनिधी (संतोष कदम इंदापूर ) अजनाळे : चोपडी ता सांगोला येथिल अनिता गुगले या आपल्या टू व्हीलर गाडीवरून अजनाळे ते वझरे नाझरे मार्गी चोपडीला जात असताना त्यांच्या गाडीला अडकलेल्या पर्समधून ४ तोळे सोने,दोन मोबाईल, व रोख रक्कम हरवले असल्याची धक्कादायक माहिती नाझरे गावात गेल्यानंतर त्यांना मिळाली.
त्यानंतर तातडीने अनिता गुगले यांनी नाझरे,वझरे, अजनाळे रस्त्यावर शोधाशोध सुरू केली परंतु त्यांना काही हतास लागले नाही. त्या नंतर पर्स मध्ये ठेवलेल्या मोबाईल वरती संपर्क साधला असता फोन वझरे येथिल लिंगाप्पा पाटील यांनी उचलला सध्या प्रामाणिक माणसांची संख्या दिवसेंदिवस कमी होत चाललेली असतानाच त्याला अपवाद लिंगाप्पा पाटील यांना हरवलेली पर्स सापडली होती.
त्यांनी त्याची शहानिशा करून ४ तोळे सोने,दोन मोबाईल, व रोख रक्कम परत करून त्याने आपला प्रामाणिकपणा दाखवला. त्यानंतर अनिता गुगले यांनी त्यांना काही रक्कम बक्षीस देण्याचा प्रयत्न केला परंतु त्यांनी बक्षीस हे नाकारले त्यांच्या या प्रामाणिकपणाबद्दल त्यांचे सर्वत्र कौतुक व अभिनंदन केले जात आहे.
