लासुर्णे येथे छत्रपती संभाजी महाराज जयंती मोठ्या उत्साहात साजरी.

झुंजार । प्रतिनिधी – संतोष कदम.
लासुर्णे : (ता. इंदापूर) छत्रपती संभाजी महाराज जयंती महोत्सव समिती लासुर्णे पंचक्रोशी यांच्यावतीने लासुर्णे येथे छत्रपती संभाजी महाराज यांची जयंती मोठ्या उत्साहात पार पडली. यावेळी सकाळी विविध मान्यवरांच्या उपस्थितीत वालचंद नगर पोलीस स्टेशनचे API मा. श्री. बिराप्पा लातुरे साहेब यांच्या
हस्ते छत्रपती संभाजी महाराज यांच्या प्रतिमेचे पूजन करण्यात आले.

गेली ८ वर्षे शिव वृक्ष संवर्धन मोहीम, पालखी सोहळा, पारंपारिक ढोल पथके असे अनेक सामाजिक उपक्रम घेत ही जयंती पार पडत असते. एक थेंब स्वराज्यासाठी या मोहिमेअंतर्गत रक्तदान शिबिराचे आयोजन करण्यात आले होते. यामध्ये शिबिरास भरघोस प्रतिसाद देत १०३ रक्तदात्यांनी रक्तदान करून इंदापूर तालुक्यात एक अनोखा उपक्रम राबविला.

यावेळी लासुर्णे पंचक्रोशी मधील मान्यवर, तरुण वर्ग मोठ्या संख्येने उपस्थित होता.