जळगाव :- सध्या अपघाताचे प्रमाण वाढतच चालली आहे. अश्यातच जळगाव जिल्ह्यातील शिरसोली गावा जवळ भरधाव महिंद्रा पिकअप व्हॅनने दुचाकीला दिलेल्या धडकेत शिरसोली येथील तरुणाचा जागीच मृत्यू झाल्याची घटना २५ तारखेला बुधवारी घडलीय. ही घटना शिरसोली ते वावडदा रस्त्यावर घडली असून रणजित संभाजी पानगडे (वय-२०) रा. इंदिरानगर, शिरसोली असे मयत तरुणाचे नाव आहे. या घटनेने परिसरात हळहळ व्यक्त होत आहे.
काय आहे घटना?
रणजित पानगडे हा आज दुपारी साडेबारा वाजेच्या सुमारास शिरसोली ते वावडदा रस्त्याने दुचाकीने जात होता. यावेळी समोरून येणाऱ्या भरधाव महिंद्रा पिकअप व्हॅन (एमएच १९ सीयु ४९६३) जोरदार धडक दिली. या धडकेत रणजीत पानगडे हा जागीच ठार झाला. घटनेची माहिती मिळताच परिसरातील नागरिकांनी धाव घेऊन तातडीने त्याला जिल्हा शासकीय वैद्यकीय महाविद्यालयात दाखल केले असता वैद्यकीय अधिकारी यांनी मदत घोषित केले.
मयत रणजित याच्या पश्चात आई, बहिण,काका असा परिवार आहे. शेवटचे वृत्त हाती आले तेव्हा एमआयडीसी पोलीस ठाण्यात अकस्मात मृत्यूची नोंद घेण्याचे काम सुरू होते
