मुंबई (गुरुदत्त वाकदेकर) : मनसे पक्ष प्रमुख राज ठाकरे यांचे विश्वासू बाळा नांदगावकर शिवसेनेत प्रवेश करणार अशा चर्चा समाज माध्यमातून सुरु झाल्या आहेत.
राज ठाकरेंसोबत सावलीप्रमाणे असणारे मनसे नेते बाळा नांदगावकर हे शिवसेनेत प्रवेश करणार असल्याची चर्चा सध्या समाज माध्यमांवर होत आहे. रुपाली पाटील यांच्या राजीनाम्यानंतर बाळा नांदगावकर हेदेखील शिवसेनेत प्रवेश करणार असल्याचे संदेश समाज माध्यमांमधून सामायिक होत आहेत. त्यावर उत्तर देताना बाळा नांदगावकर म्हणाले, “एक जुने हिंदी गाणे माझ्या राजकारणाबद्दल व राजसाहेबांच्या आणि माझ्या संबंधाबद्दल सर्व एका ओळीत सांगून जाते. “तेरे नाम से शुरू, तेरे नाम पे खतम”.” गाण्याच्या एकाच ओळीत नांदगावकरांनी ह्या खोडसाळ वृत्ताचे खंडन केले.
