Pune Crime News: पुण्यातील नाना पेठ भीषण हत्याकांड घडलं आहे. पूर्व वैमनस्यातून ही हत्या झाल्याची माहिती आहे. मध्यरात्री १ च्या सुमारास अक्षय वल्लाळ या तरुणाची चाकू भोकसून भयानक हत्या करण्यात आली आहे. याप्रकरणी समर्थ पोलिसांनी महेश नारायण बुरा आणि किशोर अशोक शिंदे या दोघांवर गुन्हा दाखल केला आहे.
पुणे :- सध्या महाराष्ट्रात घातपात झाल्याचा घटनांमध्ये दिवसेंदिवस वाढ होत आहे अश्यातच पुण्यात एका तरुणाची अत्यंत भयंकर पद्धतीने हत्या करण्यात आली आहे. पुण्याच्या नानापेठ परिसरात ही धक्कादायक घटना घडली आहे. भीषण म्हणजे आरोपींनी या तरुणाला तब्बल ३५ वार करत त्याची हत्या केली. या घटनेमुळे परिसरात एकच खळबळ उडाली आहे. याप्रकरणी पोलिसांनी आरोपींना अटक केली आहे.
पुण्यातील नाना पेठ परिसरात हे भीषण हत्याकांड घडलं आहे. पूर्व वैमनस्यातून ही हत्या झाल्याची माहिती आहे. रात्री १ च्या सुमारास अक्षय वल्लाळ या तरुणाची चाकू भोकसून हत्या करण्यात आली आहे. याप्रकरणी समर्थ पोलिसांनी महेश नारायण बुरा आणि किशोर अशोक शिंदे (दोघे रा. नवा वाडा, नाना पेठ) या दोघांवर गुन्हा दाखल केला आहे. याबाबत अतुल गंगाधर गायकवाड (वय ३३, रा. नाना पेठ) यांनी फिर्याद दिली आहे.
नेमकं काय घडलं?
पोलिसांनी दिलेल्या माहितीनुसार अक्षय वल्लाळ याची समाजात प्रतिमा चांगली असल्याने महेश बुरा आणि किशोर शिंदे यांच्यात पूर्वीपासून वाद होता. नवा वाडा येथील लाँड्रीच्या समोर मध्यरात्री १ वाजण्याच्या सुमारास फिर्यादी आणि अक्षय वल्लाळ हे थांबले असताना महेश बुरा आणि किशोर शिंदे तेथे आले. त्यांनी पूर्ववैमनस्यातून अक्षयवर चाकूने वार करण्यास सुरुवात केली आणि त्याच्या डोक्यात सिमेंट कॉक्रीटचा दगड घालून त्याचा खून केला. त्याच्या वाचविण्यासाठी अतुल गेला असताना महेश बुरा याने त्यांच्याही डोक्यात कोयत्याने वार करुन त्याला गंभीर जखमी करत जीवे मारण्याचा प्रयत्न केला. पोलीस निरीक्षक उल्हास कदम अधिक तपास करीत आहेत. याप्रकरणी पोलिसांनी दोघांना अटक केलीये.
हेही वाचा –
- एरंडोल येथे खोट्या कारवाईचा बनाव करून चहा विक्रेत्याकडून १० हजारांची खंडणी; आ.अमोलदादा पाटील यांचे चार तास पोलीस ठाण्यात ठिय्या आंदोलन
- प्रत्येक बी.एल.ए.ने घराघरात जाऊन मतदारांची अचूक पडताळणी करा – आमदार मा.ॲड.अमोलदादा पाटील.
- एरंडोलला शिवसेनेने दिग्गजांना दिली पक्षीय जबाबदारी…
- एरंडोल येथे भारतरत्न डॉ.बाबासाहेब आंबेडकर जयंती उत्साहात साजरी.
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
