Aurangabad News : कुठल्याही क्षेत्रात महिला सुरक्षित नाहीत. पण आता पोलीस क्षेत्रातही महिला सुरक्षित नसल्याचं समोर आलं आहे. कारण, औरंगाबादमध्ये मैदानावर उशीरा पोहोचल्यामुळे संचालकाने तरुणीसोबत असं काही केलं की काळजाचा ठोका चुकेल.
औरंगाबाद : – राज्यात महिला अत्याचाऱ्या घटना वारंवार वाढतच चालल्या आहेत. अशात औरंगाबादमध्ये सगळ्यांनाच हादरवणारी घटना समोर आली आहे. इथे पोलीस भरतीचे प्रशिक्षण घेणाऱ्या १७ वर्षीय युवतीला अगोदर मारहाण केली व नंतर रात्री तिच्या खोलीत जाऊन विनयभंग केल्याचा धक्कादायक प्रकार शहरातील हडको भागात असलेल्या स्पेशल फोर्स अकॅडमित समोर आला आहे. यामुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.
मिळालेल्या माहितीनुसार, नवनाथ राठोड (रा.हडको, औरंगाबाद) असं आरोपी संस्थाचालकांचं नाव आहे. या प्रकरणी मिळालेल्या माहितीनुसार, शहरातील हडको परिसरात स्पेशल फोर्स अकॅडमी आहे. या अकॅडमीत सिल्लोड तालुक्यातील १७ वर्षीय युवतीने पोलीस भरतीपूर्व प्रशिक्षणास प्रवेश घेतला होता. यानंतर ६ व ७ जुलै रोजी तीला मैदानात येण्यास उशीर झाला होता. त्यामुळे ‘तू आज मैदानावर का आली नाही’ असे म्हणत तिचा हात धरून चार ते पाच वेळा कानशिलात मारले.
संस्थाचालक एवढ्यावरच थांबला नाही. यानंतर रात्री जबरदस्तीने पीडित युवतीच्या खोलीत घुसून तिचा विनयभंग केला. जेव्हा युवतीने विरोध केला तेव्हा खोलीतील झाडूने मारहाण केली. भेदरलेल्या तरुणीने ही घटना नातेवाईकांना सांगितल्यानंतर पोलीस ठाणे गाठून घडलेली हकीकत सांगितली. या प्रकरणी पीडितेच्या फिर्यादीवरून सिडको पोलीस ठाण्यात संचालकाविरुद्ध पोक्सो कायद्यान्वये गुन्हा दाखल करण्यात आला आहे. गुन्हा दाखल झाल्याचे कळताच आरोपी फरार झाला असून पोलीस शोध घेत असल्याची माहिती आहे.
हे वाचलंत का ?
- दुर्दैवी घटना! घरात विवाह सोहळ्याची जय्यत तयारी, एकुलत्या एक मुलाच्या हळदीच्या दिवशीच आईने घेतला जगाचा निरोप.
- एस.टी. बसमधून प्रवास करणार्‍या महिला प्रवाशाच्या अडीच लाखांच्या दागिन्यांवर एस.टी.चालकाचा डल्ला, पोलिसी खाक्यानंतर दिली कबुली.
- धक्कादायक! प्रियकराशी बोलताना अडीच वर्षांची चिमुकली व्यत्यय अन् त्रास द्यायची म्हणून संतापलेल्या आईने निष्पाप लेकीला टेरेसवरुन फेकलं अन्……
- भीषण अपघात! दुचाकी स्वाराला वाचवण्याच्या प्रयत्नात शिवशाही बस उलटली 11 जणांचा मृत्यू,20 हून अधिक प्रवासी जखमी; मृतांना तातडीने 10 लाख रुपयांची मदत.
- Viral Video: दोन दरोडेखोर पिस्तुलाचा धाक दाखवून दागिने लुटणार इतक्यात दुकानदार व कर्मचाऱ्यांनी अस केलं की चोरांचा डाव उलटवला.
