मुंबई, (प्रतिनिधी) : – सध्या महाराष्ट्रात महिला लैंगिक अत्याचाराची घटना काही केल्या कमी होत नाहीये अश्यातच शिक्षकी पेशाला काळिमा फासणारी एक घटना मुंबई मधून समोर आली आहे. एका खाजगी ट्युशनच्या शिक्षकाचे धक्कादायक घाणेरडे कृत्य समोर आल्याने खळबळ उडाली आहे, आपल्याच ट्युशन मध्ये शिकणाऱ्या १९ वर्षीय विद्यार्थिनीवर ५८ वर्षीय शिक्षकाने व्यक्तीने बलात्कार केला. या प्रकरणी वर्सोवा पोलीस ठाण्यात गुन्हा दाखल करण्यात आला आहे.

दैवी शक्ती असल्याचं भासवून केला बलात्कार

शिक्षक असलेल्या आरोपीने स्वतःकडे दैवी शक्ती असल्याचे भासून पीडित मुलगी आणि तिच्या कुटुंबीयांना विश्वासात घेऊन लैंगिक अत्याचार केल्याचे उघडकीस आले आहे. ऑक्टोबर 2019 च्या पहिल्या आठवड्यात आरोपीने पीडित मुलीला त्याच्या स्वतःच्या घरी बोलावून तिला गुंगीचा प्रसाद दिला. त्यानंतर बलात्कार केला. त्यावेळी पीडित मुलगी ही अल्पवयीन होती.

मोबाईल मध्ये नग्न फोटो काढले…

तरुणीचा बलात्कार केल्यावर नराधम शिक्षकाने मोबाईलमध्ये मुलीचे नग्न फोटो काढून आणि फोटो वायरल करून जीवे ठार मारण्याची धमकी दिली. त्यानंतर वारंवार पीडित मुलीसोबत कुर्ला या ठिकाणी आरोपीच्या राहत्या घरी तिच्यावर बलात्कार केल्याची माहिती समोर येत आहे. आरोपीला पोलिसांनी ताब्यात घेतले असून पुढील तपास वरिष्ठांच्या मार्गदर्शनाखाली करत आहेत.

हे वाचलंत का ?

• दोघांचं एकमेकांवर प्रेम, घरच्यांनी लग्नाला दिली संमती लग्नाच्या एक रात्री आधी वर शिरला वधूच्या खोलीत, आणि………
• आजचे राशी भविष्य बुधवार दि. २७ नोहेंबर २०२४
• भरधाव वेगाने जाणा-या कारने रस्ता ओलांडत असलेल्या व्यक्तीस जोरदार धडक; उपचारादरम्यान मृत्यू.
• दोन गायी तीन गोवंश यांची निर्दयीपणे अवैध वाहतूक करणारे दोन वाहने जप्त. चौघांवर गुन्हा दाखल.
• वाहनावरील नियंत्रण सुटल्याने झालेल्या अपघातात चालकासह एरंडोल येथील पायी चालणाऱ्याच्या मृत्यू.