खारघर :- मध्ये दुचाकीवरून आलेल्या चोरट्यांनी एका महिलेच्या गळ्यातील सोनसाखळी ओढून पळ काढल्याची घटना घडली आहे.ही संपूर्ण घटना त्या परिसरात असलेल्या सीसीटीव्ही कॅमेऱ्यात कैद झाली आहे. या प्रकरणी महिलेने पोलिसांत तक्रार दाखल केली असून पोलीस चोरांचा शोध घेत आहेत.
मिळालेल्या माहितीनुसार, खारघरमधील विहार गेटजवळ सेक्टर चारमध्ये ही घटना घडली.
याठिकाणी बाईकवरून आलेल्या दोघांपैकी एकाने महिलेच्या गळ्यातील साखळी ओढली आणि दुसऱ्याने बाईक सुरु करून ठेवली होती. साखळी चोरल्यानंतर दोघेही दुचाकीवरून निघून गेले. सीसीटीव्ही फुटेजमध्ये तुम्ही पाहू शकता भर रस्त्यात दोन महिला बोलत असताना एक जण तिथे दबा धरून बसतो आणि दुसरा बाईक सुरु करून ठेवतो.
त्यानंतर पहिला महिलेच्या गळ्यातील साखळी ओढून गाडीवर बसतो आणि दोघे तेथून पसार होतात.चोरट्यांनी चोरलेली साखळी जवळपास पावणे दोन तोळ्याची होती. या चोरीप्रकरणी खारघर पोलीस ठाण्यात तक्रार दाखल करण्यात आली आहे. ही घटना सीसीटीव्ही कॅमेऱ्यात कैद झाली असून पोलीस सीसीटीव्हीच्या आधारे चोरांचा शोध घेत आहेत.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
