कोपरगाव :- तालुक्यातील पढेगाव येथील वारकरी सांप्रदयाच्या शेतकरी कुटुंबातील भागीरथीबाई भगीरथ शिंदे (वय 70) व त्यांचे पती ह.भ.प. भगीरथ दगडू शिंदे (वय 73) यांचे मंगळवारी (दि.4) निधन झाले. त्यांच्या पश्चात मुलगी , दोन मुले,जावई, सुन, नातवंडे असा परिवार आहे. दोघांचाही एकाच दिवशी तीन तासांच्या अंतराने मृत्यू झाल्याने त्याची चर्चा सोशल मिडीयावरून सर्वत्र होत असून हळहळ व्यक्त होत आहे.
मंगळवारी पत्नी भगीरथीबाई यांचे सकाळी 10.15 वाजता अल्पशा आजाराने निधन झाले. त्यांच्या जाण्याने नातेवाईकांचा आक्रोश सुरु होता. अंत्यविधिची तयारी चालु असताना त्याच दिवशी तीन तासांच्या अंतराने दुपारी १ वाजण्याच्या सुमारास भगीरथ यांचेही हृदयविकाराने निधन झाले.एकाच दिवशी आई-वडीलांचे निधन झाल्यामुळे शिंदे कुटूंबियांवर दु:खाचा डोंगर कोसळला.
दुपारी तीन वाजेच्या सुमारास पढेगाव वैकुंठभूमीत या दांपत्यावर शोकाकुल वातावरणात अंत्यसंस्कार करण्यात आले.जेमतेम परिस्थिती असलेले हे शेतकरी कुटुंब समाधानी व धार्मिक होते.त्यांच्या पाठोपाठ जाण्यामुळे स्वर्गातून भगीरथापाठोपाठ गंगा पृथ्वीवर आली आणि भागीरथी झाली, आज भागीरथी पाठोपाठ भगीरथ वैकुंठाला गेला अशी हळहळ व्यक्त होत होती.
हे देखील वाचा
- Viral Video: पोलीस स्टेशनबाहेरच गर्लफ्रेंड आणि बॉयफ्रेंडमध्ये जोरदार राडा; दोघांनी एकमेकांना धु धु धुतले पहा धक्कादायक व्हिडिओ.
- पैशाच्या लालसेपोटी सेवानिवृत्त परिचारीकेच्या केला होता खून; या गुन्ह्यातील ३० लाखांची रक्कम नातेवाईकांना केली परत.
- शेअर मार्केटिंगसाठी लोकांकडून पैसे का घेतो असे बोलण्याच्या राग आल्याने धरणगावात वृद्ध आजीवर नातवाने केला हल्ला. अज्ञाताने हल्ला करून पळून गेल्याच्या केला बनाव.
- पारोळा शिवारात 40 वर्षीय महिलेचा डोक्यात दगड टाकून खून;महिलेची ओळख पटली,आरोपी गजाआड, पारोळा पोलिसांची कामगिरी
- दोघांच्या लग्नाला झाली १३ वर्षे, अचानक महिलेस भेटला तिच्या प्रियकर, दोघांच्या मनावर राहिला नाही ताबा अन् मग पतीने असे केले की……
