विवाहित तरुणी ही आंघोळ करत असताना चिंचखेडा येथे राहणाऱ्या शेतमालकाने लपून मोबाईलद्वारे तिचे फोटो काढले आणि त्याआधारे ब्लॅकमेल करून तिच्यावर अत्याचार केले.
धुळे : आंघोळ करताना मोबाईलमध्ये विवाहितेचे फोटो काढून ते सासरी दाखवण्यासह तुझी गावभर बदनामी करेन, अशी धमकी देत शेतमालकाकडून तिच्यावर बलात्कार करण्यात आला. ही घटना चिंचखेडा गावाजवळील सन्नाई शिवारात घडली आहे.
बलात्कारामुळे विवाहिता गरोदर राहिली. त्यानंतर विवाहितेसह तिच्या आई-वडिलांना जातीवाचक शिवीगाळ करुन जीवे मारण्याची धमकीही देण्यात आली होती. याप्रकरणी धुळे तालुका पोलीस ठाण्यात आरोपीविरोधात गुन्हा दाखल करण्यात आला आहे.
याबाबतची अधिक माहिती अशी की, धुळे तालुक्यातील एका गावातील रहिवासी असलेल्या १९ वर्षीय विवाहितेने धुळे तालुका पोलिसात दिलेल्या फिर्यादीत म्हटलं आहे की,
चिंचखेडा गावात राहणाऱ्या शेतमालकाने ऑगस्ट २०२२ ते नोव्हेंबर २०२२ या कालावधीत दिवसा १० ते ३ वाजेच्या दरम्यान, आई-वडील राहत असलेल्या ठिकाणी विवाहिता ही आंघोळ करीत असताना चिंचखेडा येथे राहणाऱ्या शेतमालकाने लपून मोबाईलद्वारे तिचे फोटो काढले. हे फोटो विवाहितेला दाखवून तिच्या सासरकडील मंडळींनाही फोटो दाखविण्याची भीती घालत तिच्या असाह्यतेचा फायदा घेतला आणि तिला शेतात बोलावून वेळोवेळी तिच्यावर बलात्कार केला.
शेतमालकाने वेळोवेळी केलेल्या बलत्कारामुळे पीडित महिला ही गरोदर राहिली. याबाबत तिने आई-वडिलांना सांगितले असता त्यांनी चिंचखेडा येथे राहणाऱ्या या शेतमालकाला जाब विचारला.
त्यानंतर त्याने विवाहितेच्या वडिलांना जातीवाचक शिवीगाळ करुन जीवे मारण्याची धमकी दिली. तसंच ही बाब कोणास सांगितली, तर मोबाईलमधील फोटो विवाहितेच्या सासरच्या लोकांना दाखवून तुमची गावभर बदनामी करेल अशी धमकी दिली. त्यानुसार काल धुळे तालुका पोलीस ठाण्यात शेत मालकाविरोधात भादंवी कलम ३७६ (क), (न), ५०४, ५०६ यासह अॅट्रॉसिटी कायद्याने गुन्हा दाखल करण्यात आला आहे.दरम्यान, याप्रकरणी पुढील तपास धुळे तालुका पोलीस ठाण्याचे पोलीस अधिकारी करत आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
