मुंबई (गुरुदत्त वाकदेकर) : शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांना धक्का गेत महाराष्ट्राच्या विधान परिषद सदस्या मनीषा कायंदे यांनी रविवारी मुख्यमंत्री एकनाथ शिंदे यांच्या नेतृत्वाखालील शिवसेनेत प्रवेश केला. पक्षविरोधी कारवायांसाठी शिवसेना (उद्धव) प्रवक्तेपदावरून हकालपट्टी झाल्यानंतर कायंदे यांनी पक्षात प्रवेश केला.
कायंदे या राज्य विधान परिषदेच्या सदस्या म्हणून काम करत आहेत. त्यांचा कार्यकाळ २७ जुलै २०२४ रोजी संपणार आहे. दरम्यान, शिवसेनेच्या (उद्धव बाळासाहेब ठाकरे) नेत्यांनी कायंदे यांना फटकारले की, संघटनेकडून सर्वकाही मिळूनही त्यांनी पक्ष सोडण्याचा निर्णय घेतला आहे.
गेल्या वर्षी जूनमध्ये एकनाथ शिंदे यांच्या बंडखोरीनंतर शिवसेनेत दोन गट पडले होते. एकनाथ शिंदे आणि इतर ३९ आमदारांनी तत्कालीन महाराष्ट्राचे मुख्यमंत्री उद्धव ठाकरे यांच्या विरोधात बंड केले, परिणामी शिवसेनेच्या नेतृत्वाखालील महाविकास आघाडीचे सरकार कोसळले. त्यानंतर भाजपच्या पाठिंब्याने एकनाथ शिंदे यांनी मुख्यमंत्रिपदाची सूत्रे स्वीकारली.
हे पण वाचा
- Viral Video:सोशल मीडियावर रील बनवायच्या नादात महिलेच्या साडीला लागली आग;अन् पुढे जे झाले ते भयानकच पहा व्हिडिओ
- एक सेलिब्रिटी ज्याचे इन्स्टाग्रामवर 56 लाख फॉलोअर पण त्यास 200 जणांनीही मत दिलं नाही! त्याची सोशल मीडियावर जोरदार चर्चा.
- वारंवार होत असलेल्या भांडणामुळे पतीने झोपलेल्या पत्नीच्या डोक्यात दगड घालून केली हत्या, स्वतःहून पोलिस ठाण्यात झाला हजर.
- यावल तालुक्यात शेत शिवारात कापूस वेचणी करतांना सर्पदंश झालेल्या ३० वर्षीय महिलेचा उपचारादरम्यान मृत्यू.
- आजचे राशी भविष्य रविवार दि. २४ नोहेंबर २०२४
