अमळनेर:- तालुक्यातील प्र. डांगरी येथील ६० वर्षीय इसमाला त्याच्या पुतण्याने दारूच्या नशेत विटेने मारहाण केली असून याप्रकरणी मारवड पोलिसांत तक्रार दाखल करण्यात आली आहे.
याबाबत अधिक माहिती अशी की, फिर्यादी महादू शिवराम कोळी (वय ६०) रा. प्र. डांगरी यांनी दिलेल्या फिर्यादीनुसार दिनांक ५ जुलै रोजी संध्याकाळी ७:३० वाजता फिर्यादी घराच्या ओट्यावर बसले असताना त्यांचा पुतण्या विलास सोनू कोळी हा दारूच्या नशेत आला व फिर्यादीस खाली ओढून शिवीगाळ करत विटेने नाकावर, तोंडावर, मारहाण करून गंभीर दुखापत केली.
तसेच फिर्यादीच्या पत्नी, मुली आणि बहिणीस अश्लील शिवीगाळ करत पोलिसांत तक्रार केल्यास जिवे मारण्याची धमकी फिर्यादीला दिली. फिर्यादी गंभीर जखमी झाल्याने त्यास कुटुंबीयांनी खाजगी रुग्णालयात दाखल केले. उपचार झाल्यानंतर त्यांनी मारवड पोलीसात तक्रार दिली असून विलास सोनू कोळी याच्या विरुद्ध भादवि कलम ३२६, ३२४, २९४, ५०४, ५०६ अन्वये गुन्ह्याची नोंद करण्यात आली आहे. पुढील तपास पीएसआय विनोद पाटील हे करीत आहेत.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
