यावल : येथील महाविद्यालयात एका अल्पवयीन मुलीचा शहरातील एका तरुणाने पाठलाग करून तिच्या मनाला लज्जा उत्पन्न होईल असे कृत्य करीत तिचा विनयभंग केला सदर प्रकार या मुलीने कुटुंबात सांगितल्यानंतर यावल पोलीस ठाण्यात तरुणाविरुद्ध पोस्को सह विविध कलमान्वये गुन्हा दाखल करून त्याला अटक करण्यात आली आहे.
यावल शहरात फैजपूर रस्त्यावर असलेल्या कला, वाणिज्य व विज्ञान महाविद्यालय आहे या महाविद्यालयात कनिष्ठ महाविद्यालयीन शिक्षण घेणाऱ्या एका १५ वर्षीय अल्पवयीन मुलीचा यावल शहरातील विस्तारित भागातील रहिवाशी एका तरुणाने सतत पाठलाग केला व तरुणीस महाविद्यालयात जावुन मी तुझा पाठलाग करेल, तुझ्या घरी येईल सह अल्पवयीन मुलीच्या मनाला लज्जा उत्पन्न होईल असे कृत्य केले आणि तू जास्त बोलली तर तुला महाविद्यालयाच्या बिल्डिंगवरून खाली फेकून देईल अशी धमकी दिली
तेव्हा या अल्पवयीन मुलीने घडलेला प्रकार आपल्या कुटुंबांना सांगितला. तेव्हा या अल्पवयीन मुलीच्या फिर्यादीवरून यावल पोलीस ठाण्यात यावल शहरातील तरुणाविरुद्ध बालकांचे लैंगिक शोषणापासून संरक्षण अधिनियम पोस्को सह विविध कलमान्वये गुन्हा दाखल करण्यात आला आहे पुढील तपास पोलीस निरीक्षक राकेश मानगावकर यांच्या मार्गदर्शनाखाली पोलीस उपनिरीक्षक अविनाश दहिफळे करीत आहे.
हे पण वाचा
- एरंडोल येथे खोट्या कारवाईचा बनाव करून चहा विक्रेत्याकडून १० हजारांची खंडणी; आ.अमोलदादा पाटील यांचे चार तास पोलीस ठाण्यात ठिय्या आंदोलन
- प्रत्येक बी.एल.ए.ने घराघरात जाऊन मतदारांची अचूक पडताळणी करा – आमदार मा.ॲड.अमोलदादा पाटील.
- एरंडोलला शिवसेनेने दिग्गजांना दिली पक्षीय जबाबदारी…
- एरंडोल येथे भारतरत्न डॉ.बाबासाहेब आंबेडकर जयंती उत्साहात साजरी.
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
