यावल : तालुक्यातील कासवा शिव रस्त्याने एका बंद स्टोन क्रेशर जवळ अवैद्य वाळु वाहतुक करणारे एकाच क्रमांकाचे दोन डंपर महसूल आणि पोलिसांच्या पथकांना मिळून आले. दोघ डंपर हे तापी नदीतुन अवैद्य गौण खनिज वाहतुकी करता वापरण्यात येत असल्याचा संशय असुन याप्रकरणी फैजपूर पोलीस ठाण्यात मंडळ अधिकारी यांच्या फिर्यादीवरून गुन्हा दाखल करण्यात आला आहे.
कासवा ता. यावल येथील शिव रस्त्यावर गट क्रमांक ८ मध्ये बंद स्टोन क्रेशर आहे. या ठिकाणी तहसीलदार मोहनमाला नाझीरकर, फैजपुरचे सहायक पोलीस निरीक्षक निलेश वाघ, मंडळाधिकारी बबीता चौधरी,तलाठी एस.व्ही.सुर्यवंशी यांच्या पथकाला अवैद्य रित्या तापी नदीतून वाळू वाहतूक करण्याकरिता दोन डंपर दिसून आले. तर या दोन्ही डंपरचे क्रमांक एम. एच. १९ सी. वाय. ४६४८ असे होते व मुद्दाम एकाच क्रमांक या दोन्ही वाहनावर टाकून शासनाची फसवणुक करण्या करीता वापरण्यात येत असल्याचे स्पष्ट झाले तेव्हा या पथकाने दोघे डम्पर ताब्यात घेतले आहे व या प्रकरणी फैजपूर पोलीस ठाण्यात मंडळ अधिकारी बबीता चौधरी यांनी दिलेल्या फिर्यादीवरून संजय सपकाळे राहणार कासवा यांच्याविरुद्ध गुन्हा दाखल करण्यात आला आहे पुढील तपास साहायक फौजदार रशीद तडवी करीत आहे.
१० ब्रास वाळु साठा केला जप्त.
याचं कारवाई दरम्यान कासवे येथील नदिपात्रा जवळ अंदाजे १० ब्रास रेती साठा देखील महसुल व पोलिसांच्या पथकाने मिळुन आला तेव्हा सदर बेवारस म्हणुन मिळून आलेला हा वाळु साठा पंचनामा करून जप्त करण्यात आला आहे.
हे पण वाचा
- 80 हजारांची लाच स्वीकारताच एरंडोल तालुक्यातील रिंगणगाव सरपंचांसह तिघांना एसीबीने ठोकल्या बेड्या.
- आजीची शेवटची इच्छा माझ्या अंगावरील सोन्याच्या दागिन्यांसह अंतिमसंस्कार करा.पण चोरट्यांनी साधला डाव,अंत्यसंस्कारानंतर महिलेच्या अस्थींची चोरी.
- महसूल मंत्री चंद्रशेखर बावनकुळे यांच्या दुय्यम निंबधक कार्यालयात छापा,अधिकाऱ्यांच्या ड्रॉवरमध्ये सापडले पैसे
- महाराष्ट्रातील नगरपरिषदा व नगरपंचायतींच्या नगराध्यक्ष पदांचे आरक्षण निश्चित
- मुलीचा प्रथम वाढदिवस कन्या बचाव जागर कार्यक्रमाने साजरा
