अमळनेर l प्रतिनिधी :- लग्नाचे आमिष दाखवून अल्पवयीन मुलीस घरातून पळवून नेऊन तिच्यासोबत शारीरिक सबंध करणाऱ्या एका तरुणास अमळनेर येथील जिल्हा सत्र न्यायालयाने १० वर्षाची शिक्षा सुनावली आहे.
आरोपी अविनाश सुरेश धनगर वय २२ रा.भावेर ता.शिरपूर जि.धुळे याने १५ डिसेंबर २०२१ रोजी चहार्डी ता.चोपडा येथून एका अल्पवयीन मुलीस लग्नाचे आमिष दाखवून पळवून नेले होते.याबाबत वडिलांनी दिलेल्या फिर्यादीवरून चोपडा पोलीस स्टेशन ला अज्ञात व्यक्तिविरुद्ध गुन्हा दाखल करण्यात आला होता.
तपास अधिकारी सहायक पोलिस निरीक्षक अजित साबळे व पोलीस हेड कॉन्स्टेबल प्रदीप राजपूत यांनी २२ डिसेंबर २०२१ रोजी आरोपी व पीडित मुलीला ओंकारेश्वर (मध्यप्रदेश) येथून ताब्यात घेतले होते.आरोपीने पीडित अल्पवयीन मुलीस रोहिणी भोईटी ता. शिरपूर, मानपूर,सुंद्रेल व ओंकारेश्वर या ठिकाणी नेऊन तिच्यासोबत शारीरिक संबंध प्रस्तापित केले.त्यामुळे आरोपीविरुद्ध कोर्टात दोषारोप दाखल करण्यात आले होते.
सदर खटल्यात न्यायालयाने १८ साक्षीदार तपासले त्यात पीडित अल्पवयीन मुलगी,ज्या ठिकाणी नेले तेथील साक्षीदार,वैद्यकीय अधिकाऱ्यांचा वैद्यकीय अहवाल,व जन्माच्या नोंदी वरून अल्पवयीन असल्याचे सिद्ध झाले.तसेच आरोपीने लग्नाचे आमिष दाखवून अल्पवयीन मुलीसोबत शारिरीक संबंध केल्याचे सिद्ध झाल्याने जिल्हा न्यायाधीश २ पी आर चौधरी यांनी आरोपीस भादवी कलम ३६३ ए प्रमाणे ५ वर्ष व लैंगिक गुन्ह्यांपासून बालकांचे संरक्षण कायदा २०१२ कलम ४ नुसार १० वर्ष शिक्षा सुनावण्यात आली.
सदर खटल्याचा सरकारी वकील बी आर चौधरी यांनी युक्तिवाद केला तर पैरवी अधिकारी उदयसिंग साळुंखे,पोलीस हेड कॉन्स्टेबल हिरालाल पाटील,पोलीस कॉन्स्टेबल नितीन कापडणे,राहुल रणधीर,अतुल पाटील यांनी काम पाहिले.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
