चाळीसगाव l प्रतिनिधी : – चाळीसगाव तहसील कार्यालयासमोरून दि 20 रोजी चोरीस गेलेली मोटारसायकल 22 रोजी गुन्हा दाखल झाल्यावर पोलिसांनी तपासचक्रे फिरवून मोटारसायकल सह चोरट्यास खडकी बायपास येथून ताब्यात घेतले आहे. सागर अजितराव देशमुख 35 इंजिनियर रा. लक्ष्मीनगर, परदेशी बोर्डिंग समोर, चाळीसगाव यांची 40 हजार रुपये किमतीची होंडा शाईन कंपनीची काळ्या रंगाची मोटार सायकल क्रमाक MH19 BA-0064 ही दि 20/12/23 रोजी तहसील कार्यालय समोरून दुपारी 12-30 ते 1-30 वाजेच्या दरम्यान अज्ञात चोरट्याने चोरून नेली होती
त्यांनी 2 दिवस तपास केल्यावर दि 22/12/23 रोजी चाळीसगाव शहर पोलीस स्टेशनला गुन्हा दाखल केला होता. गुन्हा दाखल केल्यावर पोलिसांनी तपासाची चक्रे फिरवली असता एक संशयित इसम हिरापूर कडून चाळीसगाव कडे विना नंबरच्या मोटारसायकल वर येत असल्याची गोपनीय माहिती पोलीस नाईक महेंद्र पाटील व कॉन्स्टेबल ज्ञानेश्वर गिते यांना मिळाल्यावर
पोलीस निरीक्षक संदीप पाटील यांच्या मार्गदर्शनाखाली हवालदार राहुल सोनवणे, पोलीस नाईक महेंद्र पाटील, भूषण पाटील, कॉन्स्टेबल ज्ञानेश्वर गिते, विजय पाटील, पवन पाटील, समाधान पाटील, आशुतोष सोनवणे, रविंद्र बच्छे, ज्ञानेश्वर पाटोळे, राकेश महाजन यांनी दि 22 रोजी सायंकाळी 7-30 ते 8-30 वाजेच्या सुमारास चेतन संतोष पाटील 28 रा शिवशक्ती नगर भडगाव रोड चाळीसगाव यास थांबवून मोटारसायकलचे कागदपत्रे विचारपूस केल्यावर त्याने उडवाउडवीची उत्तरे दिल्यावर त्यास चाळीसगाव शहर पोलीस स्टेशन ला आणून पोलिसी खाक्या दाखवताच तहसील कार्यालयासमोरून वरील मोटारसायकल चोरल्याची कबुली दिली आहे. त्याचेवर गुन्हा दाखल करण्यात आला असून तपास पोलीस नाईक भूषण पाटील करीत आहेत.
हे पण वाचा
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
- एरंडोल येथे खोट्या कारवाईचा बनाव करून चहा विक्रेत्याकडून १० हजारांची खंडणी; आ.अमोलदादा पाटील यांचे चार तास पोलीस ठाण्यात ठिय्या आंदोलन
- प्रत्येक बी.एल.ए.ने घराघरात जाऊन मतदारांची अचूक पडताळणी करा – आमदार मा.ॲड.अमोलदादा पाटील.
