प्रतिनिधी | अमळनेर
येथून जवळच असलेल्या कलाली येथील शेतकऱ्याच्या खात्यातील एक लाख रुपये परस्पर ऑनलाईन वळते करून फसवणूक केल्याप्रकरणी मारवड पोलिसांत सायबर क्राईम व फसवणूक केल्या प्रकरणी गुन्हा दाखल करण्यात आला आहे. याबाबत अधिक माहिती अशी की, कलाली येथील शेतकरी शरद पाटील यांचे निंभोरा येथील बँक ऑफ बडोदा शाखेत बचत खाते असून दिनांक ३० रोजी सायंकाळी ५:३० वाजता त्यांच्या खात्यातून ९९,९९९ रुपये ट्रान्स्फर झाल्याचा संदेश मोबाईलवर प्राप्त झाला.
त्यांनी बँकेच्या ग्राहक सेवा क्रमांकावर संपर्क साधला असता स्थानिक पातळीवर बचत खाते असलेल्या शाखेत जाऊन माहिती दिली जाईल असे सांगितले ,त्यानुसार दिनांक ३१ रोजी सकाळी निभोरा येथील शाखेत स्वतः खातेदार यांनी बँकेत तपास केला असता सदर रक्कम त्यांच्या खात्यातून नाशिक येथील डी. बी. एस बँकेच्या अज्ञात इसमाच्या खात्यात ट्रान्स्फर झाल्याचे आढळून आले.
त्याचे सविस्तर स्टेटमेंट घेऊन लागलीच त्यांनी मारवड पोलीसात धाव घेत संबंधित कागदपत्रे सादर करत तक्रार दाखल केली. त्यावरून मारवड पोलीसा ठाण्यात शरद पाटील यांच्या तक्रारीवरून अज्ञात खातेधारका विरुद्ध सायबर क्राईमच्या माहिती तंत्रज्ञानची विविध तीन कलम व संगनमताने फसवणूक केल्याप्रकरणी गुन्ह्याची नोंद करण्यात आली आहे.पुढील तपास पीएसआय विनोद पाटील व हवालदार सुनील तेली करीत आहेत
हे पण वाचा
- Viral Video: भररस्त्याच्या धावत्या बाईकवरच पत्नीने नवऱ्याला गाडीवरच चप्पलने धू धू धुतलं, पहा धक्कादायक व्हिडिओ.
- प्रेम आंधळं असतं ! ग्रॅज्युएट झालेल्या तरुणीने 8 वी नापास झालेल्या युवकांशी केलं लग्न, काय आहे संपूर्ण प्रकरण वाचा….
- धक्कादायक! सप्तशृंगगडाच्या शितकड्यावरून उडी घेत तरुण-तरुणीने संपविले जीवन.मृत्यूचे कारण अस्पष्ट.
- एरंडोलला चाललंय तरी काय ? सबकुछ गुपचूप गुपचूप- चर्चातेरी भी चूप मेरी भी चूप-
- Viral Video:रस्त्यावरुन जाणाऱ्या बुरखाधारी महिलेला जबरदस्ती जवळ ओढलं अन् केला ‘किस’ युवकास पोलिसांकडून चोप पहा व्हिडिओ.
