मुझफ्फरपूर :- प्रेमप्रकरणाची एक अजब घटना समोर आली आहे. एका लग्नसोहळ्यामध्ये व्हिडीओग्राफी आणि फोटोग्राफी करण्यासाठी आलेला फोटोग्राफर नवरदेवाच्या अल्पवयीन बहिणीला घेऊन फरार झाला. या घटनेनंतर तरुणीच्या नातेवाईकांनी पोलिसांकडे धाव घेत या तरुणीला शोधून काढण्याची विनंती केली आहे.मुलाच्या विवाहात आलेला फोटोग्राफरच त्यांच्या अल्पवयीन मुलीला घेऊन फरार झाला, असा आरोप या नातेवाईंकांनी केला आहे. आता पोलिसांनी या प्रकरणाचा तपास करण्यास सुरुवात केली आहे.

मुझफ्फरपूरमधील चंदवाराघाट दामोदरपूर गावात ही घटना घडली आहे. ४ मार्च रोजी येथे एका तरुणाचा विवाह होता. इथून दुसऱ्या गावात वरात जाणार होती. लग्नाच्या कार्यक्रमाचं छायाचित्रण करण्यासाठी मुलाच्या भाओजींच्या गावातून एक व्हिडीओग्राफर बोलावण्यात आला होता. त्याने लग्न सोहळ्याचं प्रत्येक बाजूने चित्रिकरण केलं. मात्र याचदरम्यान त्याची नवऱ्याच्या बहिणीसोबत नजरानजर झाली. त्यानंतर लग्नसोहळा संपल्यानंतर हा व्हिडीओग्राफर नवऱ्याच्या बहिणीला घेऊन फरार झाला.अहियापूर पोलीस ठाण्यात दिलेल्या निवेदनामध्ये पीडित कुटुंबानं लिहिलं आहे की,

लग्नानंतर नवरदेवाची अल्पवयीन बहीण बाजारात जाते म्हणून सांगून घराबाहेर पडली. मात्र रात्रभर ती घरी परतली नाही. कुटुंबीयांनी तिचा शोध घेतला. मात्र दोन दिवस उलटल्यानंतरही ती सापडली नाही. यादरम्यान, नवरदेवाच्या भाओजींना त्यांच्या मेहुणीला त्यांच्याच गावातील एक व्हिडीओग्राफर घेऊन पळाल्याची माहिती मिळाली. तेव्हापासून कुटुंबीय या तरुणीचा शोध घेत आहेत.मुलीच्या वडिलांनी आरोप केला की, मुलाच्या लग्नात आलेला व्हिडीओग्राफर माझ्या मुलीला घेऊर फरार झाला असल्याची ठाम माहिती आमच्याकडे आहे.

बाहेर जाण्यापूर्वी तो त्याच्या घरीही गेला होता. मात्र ही गोष्ट आता त्याचे कुटुंबीय मान्य करत नाही आहेत. दुसरीकडे अहियापूरचे पोलीस अधिकारी रोहन कुमार यांनी सांगितले की, या प्रकरणी गुन्हा दाखल केल्यानंतर आता या प्रकरणाचा तपास केला जात आहे. मात्र ही संपूर्ण घटना आता चर्चेचा विषय ठरली आहे.

हे पण वाचा

• VIDEO: कुटुंबानं खरंच यमराजाला दिला चकवा!काच फोडून कारमध्ये शिरल्या लोखंडी सळ्या; पहा नशीब अन् कर्मावर विश्वास बसणार नाही असा व्हिडिओ.
• नवरदेव आला मंडपात, इतक्यात नवरीचा वडिलांनी तिच्या मृत्यूची बातमी सांगितली,नवरदेवाला आला संशय अन् हादरवणारे सत्य आलं समोर.
• बाबागिरी करणाऱ्या मौलवीने 17 वर्षीय निष्पाप मुलाची निर्घुण हत्या करून मृतदेहाचे तुकडे करून दुकानात पुरले,साडे चार वर्षानी गुढ उकललं.
• दोन मुलांची आई प्रियकराच्या प्रेमात आंधळी, पत्नीने प्रियकराला बोलवले घरी दोघांना सोबत पाहून पतीची तळपायाची आग मस्तकात गेली, मग पुढे सुरू झाला हायहोल्टेज ड्रामा.
• पती खूनाच्या आरोपात अटकेत त्याला वाचवण्याच्या नादात पत्नीनं भलतचं केलं, पोलिसांवर केलेल्या गंभीर आरोपात तीन पोलिस निलंबित,काय आहे प्रकरण.