पुणे :- फेसबुकवर ओळख झाल्यानंतर महिलेला भेटण्यासाठी बोलावून तिच्या सोबत फोटो काढले. त्यानंतर फोटो व्हयरल करुन बदनामी करण्याची धमकी दिली. तसेच पतीला जीवे मारण्याची धमकी देऊन 34 तोळे वजानाचे दागिने घेणाऱ्या आरोपीला निगडी पोलिसांनी अटक केली आहे. हा प्रकार एप्रिल 2023 ते 22 मार्च 2024 या कालावधीत आकुर्डी आणि वेगवेगळ्या ठिकाणी घडला आहे.

याबाबत पीडित महिलेने शनिवारी (दि.23) निगडी पोलीस ठाण्यात फिर्याद दिली आहे. यावरुन सुरज लक्ष्मण परमार उर्फ सुरज जैन (वय-28 सध्या रा. संकेत पार्क, सय्यदनगर, पुणे मुळ रा. महाविर कॉलनी, विजापुर, कर्नाटक) याच्यावर आयपीसी 384, 386, 500, 501, 506 नुसार गुन्हा दाखल करुन अटक केली आहे.पोलिसांनी दिलेल्या माहितीनुसार, फिर्यादी महिलेची आणि आरोपीची ओळख फेसबुकवर झाली. आरोपी हर्बल लाइफ प्रोडक्ट चा व्यवसाय करतो. या व्यवसायाच्या निमित्ताने महिलेला भेटून आरोपीने त्यांचा विश्वास संपादन केला.

त्यानंतर महिलेला भेटायला बोलावून घेत दोघांचे एकत्र फोटो काढले. काही दिवसांनी आरोपीने दोघांचे फोटो सोशल मीडियात व्हायरल करण्याची धमकी दिली. तसेच महिलेच्या पतीला मारण्याची धमकी देऊन 34 तोळे सोन्याचे दागिने घेतले.फिर्यादी यांनी दागिने परत मागितले असता दागिने देण्यास नकार दिला. तसेच महिलेला धमकावून तिच्या फेसबुकचा पासवर्ड घेतला. पासवर्डचा वापर करुन आरोपीने त्याच्या मोबाईलमध्ये महिलेचे फेसबुक अकाउंट उघडले. या अकाउंटवर दोघांचे एकत्र असलेले फोटो पोस्ट करुन महिलेची बदनामी केली. महिलेने तक्रार देताच पोलिसांनी आरोपीच्या मुसक्या आवळल्या आहेत. पुढील तपास निगडी पोलीस करीत आहेत.

हे पण वाचा

• Viral Video: नवरी जोमात नवरदेव कोमात! लग्नमंडपात नवरीचा धम्माकेदार डान्स मात्र नवरदेव आल राग,अन् पुढे काय झालं पहा व्हिडिओ
• धक्कादायक! १७ वर्षीय मुलीच्या आई-वडिलांसोबत वाद झाला म्हणून होस्टेलमधून बेपत्ता झाली, तिच्यावर मदतीच्या बहाण्याने ४ तरुणांनी केला बलात्कार.
• लग्नानंतर दोघंही गोव्याला हनीमूनला गेले,रोमँटिक ट्रिपवरून दोघं घरी आले अन् अस घडल की कोणी कल्पनाही करू शकले नाही, लग्नाच्या 12 दिवसांनंतरच…
• ‘तुझ्या भिशी लावण्यामुळेच मी कर्जबाजारी झालो’ खाजगी शिवकवणी घेणाऱ्या शिक्षकाने असं काही कृत्य केलं की संपूर्ण कुटुंब उद्ध्वस्त झालं.
• आजचे राशी भविष्य गुरूवार दि.१ जानेवारी २०२५