पूर्णा :- चुडावा (ता. पूर्णा) येथे एका २८ वर्षीय विवाहित महिलेने राहत्या घरी दोन वर्षांच्या चिमुकलीसह छताला गळफास घेऊन जीवन संपविले. ही मन हेलावणारी घटना गुरूवारी सायंकाळी पावणे सहाच्या सुमारास घडली. द्रौपदी इंद्रजित देसाई (वय २८) आणि आळंदी इंद्रजित देसाई ( वय २) अशी मृतांची नावे आहेत. या प्रकरणी चुडावा पोलीस ठाण्यात नोंद झाली आहे. या घटनेचे कारण समोर आलेले नाही.
घटनेचे अद्याप कारण कळू शकलेले नाही.
याबाबत अधिक माहिती अशी की, चुडावा येथे द्रौपदी हिने घरी कोणी नसल्याचा फायदा घेत स्वत:च्या चिमुकलीसह छताच्या कडीला दोरी बांधून गळफास लावून आपले जीवन संपवले. या घटनेचे अद्याप कारण कळू शकलेले नाही. मृत महिलेचा भाऊ बाबाराव विठ्ठलराव लोखंडे ( मूळ रा. सातेफळ वाघ, सध्या रा. चुडावा) यांनी फिर्याद दिली आहे. चुडावा पोलीस ठाण्याचे सपोनि नरसिंग पोमनाळकर, पोउनि बळीराम राठोड यांनी घटनास्थळाचा पंचनामा करून आकस्मित मृत्युची नोंद केली. या घटनेमुळे परिसरात हळहळ व्यक्त होत आहे. पुढील तपास पोउनि बळीराम राठोड करीत आहेत.
हे पण वाचा
- Viral Video:सोशल मीडियावर रील बनवायच्या नादात महिलेच्या साडीला लागली आग;अन् पुढे जे झाले ते भयानकच पहा व्हिडिओ
- एक सेलिब्रिटी ज्याचे इन्स्टाग्रामवर 56 लाख फॉलोअर पण त्यास 200 जणांनीही मत दिलं नाही! त्याची सोशल मीडियावर जोरदार चर्चा.
- वारंवार होत असलेल्या भांडणामुळे पतीने झोपलेल्या पत्नीच्या डोक्यात दगड घालून केली हत्या, स्वतःहून पोलिस ठाण्यात झाला हजर.
- यावल तालुक्यात शेत शिवारात कापूस वेचणी करतांना सर्पदंश झालेल्या ३० वर्षीय महिलेचा उपचारादरम्यान मृत्यू.
- आजचे राशी भविष्य रविवार दि. २४ नोहेंबर २०२४
