श्राद्धासाठी गेलेल्या एका कुटुंबासोबत धक्कादायक घटना घडली आहे. गंगेत स्नान करत असताना कुटुंबातील चौघेजण बुडाले. वाचवण्यासाठी चौघेही आवाज देत होते. पण काही वेळाने आवाज येणं बंद झालं. पाण्याचा प्रवाह जास्त असल्याने त्यांना वाचवणं शक्य झालं नाही.
पाटणा ( Patna Bihar News ):- सध्या देशात सर्वत्र जोरदार पाऊस झाला आहे त्यामुळे नदी नाल्यांना पुर आले आहे अश्यातच पाटण्यात बुधवारी एकाच कुटुंबातील चार जणांचा गंगेत बुडून मृत्यू झाला आहे. पती-पत्नी आपल्या दोन मुलांसह श्राद्ध करण्यासाठी गेले असता ही दुर्देवी घटना घडली. यामुळे संपूर्ण परिसरात खळबळ उडाली असून या अपघाताचा व्हिडिओही समोर आला आहे.
मिळालेल्या माहितीनुसार, बुडणाऱ्या कुटुंबाला वाचवण्यासाठी ३-४ तरुणांनीही गंगेत उड्या घेतल्या. मात्र, प्रवाह इतका जोरदार होता की त्यांना वाचवता आलं नाही. हे कुटुंब मदतीसाठी ओरडत राहिलं पण नंतर अचानक त्यांचा आवाज बंद झाला.
ही कुटूंब पाटणाच्या शेखपूरा इथं राहणारं आहे. मुकेश कुमार (४८), आभा देवी (३२), सपना कुमारी (१५) आणि चंदन कुमार (१३) अशी मृतांची नावं आहेत. अधिक माहितीनुसार, आतापर्यंत या चौघांपैकी कोणाचाही मृतदेह हाती लागला नसून स्थानिक लोकांच्या मदतीने पोलीस नदीपात्रात शोध घेत आहेत.
बारह पोलीस स्टेशनचे प्रभारी राजनंदन यांनी सांगितले की, सध्या गंगा नदीत पाण्याचा प्रवाह जास्त आहे. त्यामुळे मृतदेह शोधणं कठीण झालं आहे. त्यामुळे लोकांनी सावध राहावं, अशा सूचनाही त्यांनी दिल्या.
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
