पारोळा : – सध्या महाराष्ट्रात चोरीच्या घटनांमध्ये दिवसेंदिवस वाढ होत आहे अश्यातच टीटवि (ता. पारोळा) येथील शेतकरी यांची रोख रक्कम शहरातील चोरवड नाक्या येथून हिसकावण्याचा प्रयत्न अज्ञात चोरट्यांनी केला होता. परंत, ऐनवेळी एका युवकाने धाडस दाखवत सदर शेतकऱ्याची (Farmer) रक्कम चोरट्यांच्या ताब्यातून परत मिळवत शेतकऱ्यांच्या ताब्यात दिली
टिटवी (ता. पारोळा) येथील शेतकरी सोमनाथ जयराम महाजन हे पारोळा येथील (State Bank Of India) स्टेट बँक शाखेतून आपल्या खात्यातील रोख रक्कम 83 हजार रुपये काढून दुचाकीने सहकार्यासोबत गावी जात होते. दरम्यान रस्त्यातच (चोरवड नाका) येथे अज्ञात चोरट्यांनी त्यांच्या हातातील पिशवी खेचून नेण्याचा प्रयत्न केला. मात्र, त्याच वेळी टिटवी येथील युवक घनश्याम छोटूलाल महाजन याने आपल्या जीवाची पर्वा न करता चोरट्यांकडून पैशांची पिशवी हिसकावुन घेत सदर रक्कम शेतकऱ्यांच्या ताब्यात दिली.
आमदारांनी केला सत्कार
सदर युवकाच्या धाडसीपणाची दखल घेत आमदार चिमनराव पाटील यांनी घेऊन त्याच्यावर शाब्बासकीची थाप फिरवली. याप्रसंगी बाजार समितीचे माजी संचालक चतुर पाटील, शेतकी संघाचे माजी संचालक गोविंद पाटील, शेतकी संघाचे संचालक जिजाबराव पाटील, सखाराम चौधरी, माजी जि. प. सदस्य पांडुरंग पाटील आदी उपस्थित होते. दरम्यान गेल्या अनेक दिवसांपासून शहरात मोठ्या प्रमाणात चोऱ्यांचे प्रमाण वाढले आहे. याला कसा आवर घालता येईल. याबाबत पोलिसांनी निरीक्षकांना सूचना करणार असल्याचे आमदार चिमणराव पाटील यांनी सांगितले.
हे वाचलंत का ?
- प्रत्येक बी.एल.ए.ने घराघरात जाऊन मतदारांची अचूक पडताळणी करा – आमदार मा.ॲड.अमोलदादा पाटील.
- एरंडोलला शिवसेनेने दिग्गजांना दिली पक्षीय जबाबदारी…
- एरंडोल येथे भारतरत्न डॉ.बाबासाहेब आंबेडकर जयंती उत्साहात साजरी.
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
