Crime News : अमळनेर तालुक्यातील एका गावात मोठ्या दिराने सख्ख्या लहान भावाच्या विधवा पत्नीवर मुलाला जीवे मारण्याची धमकी देत अत्याचार केल्याचा धक्कादायक प्रकार समोर आला आहे. सासू, सासरे, दीर आणि जाऊविरोधात गुन्हा दाखल करण्यात आला असून आरोपी मोठ्या दिराला पोलिसांनी ताब्यात घेतलं आहे. या अत्याचारातून पीडिता गरोदर राहिली असून तिच्या तक्रारीनुसार बुधवारी मारवड पोलिसांत गुन्हा दाखल झाला आहे.

हायलाइट्स:

• दिराचा सख्ख्या भावाच्या विधवेवर अत्याचार

• मुलाला मारुन टाकण्याची धमकी दिली

• अत्याचारातून पीडिता गरोदर

अमळनेर :- सध्या महाराष्ट्रात महिला लैंगिक अत्याचाराची घटना काही केल्या कमी होत नाहीये अश्यातच दीर आणि भावयजीच्या नात्याला काळीमा फासणारी घटना समोर आली आहे. अमळनेर तालुक्यातील एका गावात मोठ्या दिराने सख्ख्या लहान भावाच्या विधवा पत्नीवर मुलाला जीवे मारण्याची धमकी देत अत्याचार केल्याचा धक्कादायक प्रकार समोर आला आहे. सासू, सासरे, दीर आणि जाऊविरोधात गुन्हा दाखल करण्यात आला असून आरोपी मोठ्या दिराला पोलिसांनी ताब्यात घेतलं आहे.

या अत्याचारातून पीडिता गरोदर राहिली असून तिच्या तक्रारीनुसार बुधवारी मारवड पोलिसांत गुन्हा दाखल झाला आहे. पीडितेला आधार नसल्याने तिला जळगावा शासकीय आशादीप वसतीगृहात दाखल करण्यात आले आहे.

या संदर्भात पीडित महिलेने पोलिसात दिलेल्या तक्रारीनुसार, साधारण सहा-सात महिन्यांपूर्वी ती सासरी असतांना मोठ्या दिराने पीडितेला मुलाला मारुन टाकेल अशी धमकी देत इच्छेविरुध्द पीडितेसोबत शारिरीक संबध प्रस्थापित केले. यामुळे त्याच्यापासून पीडिता गरोदर राहिली. त्यानंतर एवढेच नाहीतर सासू, सासरे जाऊ यांनी पीडितेच्या पोटावर हाता-बुक्यांनी मारहाण केली. तसेच, शिवीगाळ करत तिचा छळ केला.

याप्रकरणी पीडितेने धुळे शहर पोलिसात तक्रार दिली होती. शून्य क्रमांकने तो गुन्हा बुधवारी पीडितेचा मोठा दीर, जाऊ, सासू आणि सासरे या चार जणांविरोधात मारवड पोलिसांत दाखल झाला आहे. पुढील तपास पोलीस उपनिरीक्षक विनोद पाटील हे करीत आहेत.

दरम्यान, पीडितेला आधार नसल्यामुळे तिला जळगावच्या आशादीप महिला संरक्षण केंद्रात ठेवण्यात आले. तर संशयित दीर गोपाल भोई याला पोलिसांनी ताब्यात घेतल्याची माहिती पोलिसांनी दिली आहे.

हे वाचलंत का ?

• दुर्दैवी घटना! घरात विवाह सोहळ्याची जय्यत तयारी, एकुलत्या एक मुलाच्या हळदीच्या दिवशीच आईने घेतला जगाचा निरोप.
• एस.टी. बसमधून प्रवास करणार्‍या महिला प्रवाशाच्या अडीच लाखांच्या दागिन्यांवर एस.टी.चालकाचा डल्ला, पोलिसी खाक्यानंतर दिली कबुली.
• धक्कादायक! प्रियकराशी बोलताना अडीच वर्षांची चिमुकली व्यत्यय अन् त्रास द्यायची म्हणून संतापलेल्या आईने निष्पाप लेकीला टेरेसवरुन फेकलं अन्……
• भीषण अपघात! दुचाकी स्वाराला वाचवण्याच्या प्रयत्नात शिवशाही बस उलटली 11 जणांचा मृत्यू,20 हून अधिक प्रवासी जखमी; मृतांना तातडीने 10 लाख रुपयांची मदत.
• Viral Video: दोन दरोडेखोर पिस्तुलाचा धाक दाखवून दागिने लुटणार इतक्यात दुकानदार व कर्मचाऱ्यांनी अस केलं की चोरांचा डाव उलटवला.