आजवर आपण ‘आम्ही घर शिफ्ट करतोय’ हे वाक्य अनेकदा ऐकलं असेल, साहजिकच याचा अर्थ आम्ही घरातल्या वस्तू, आमचं कुटुंब दुसरीकडे राहायला जात आहोत असाच होतो. मात्र पंजाब मधील एका शेतकऱ्याने घर शिफ्ट करणे जरा जास्तच मनावर घेतल्याचं समजतंय. एएनआयच्या माहितीनुसार, पंजाबमधील रहिवाशी सुखविंदर सिंह सुखी यांनी चक्क आपले दुमजली घर मूळ जागेवरून उचलून ५०० फूट अंतरावर ठेवल्याचे समजत आहे. या घराच्या शिफ्टिंगचा व्हिडीओ पाहून नेटकाऱ्याने या शेतकऱ्याच्या जुगाडू बुद्धीचं कौतुक केलं आहे.
प्राप्त माहितीनुसार, दिल्ली- अमृतसर- कटरा एक्सप्रेसवेलगत सुखविंदर यांचे दुमजली घर होते, मात्र या एक्सप्रेसवेच्या कामासाठी पंजाब सरकारकडून त्यांना घर खाली करण्यास सांगितले गेले. यासाठी योग्य भरपाई दिली जाईल अशी ऑफर सरकारने दिली असताना सुखविंदर यांनी आपण मेहनतीने बांधलेले घर सोडून जाण्यास नकार दिला. संगरूरमधील रोशनवाला गावात हे घर बांधण्यासाठी सुखविंदर यांनी दीड कोटी रुपये खर्च केले होते. आपल्या स्वप्नातील हे घर वाचवण्यासाठी शेवटी सुखविंदर यांनी घर उचलून बाजूला करण्याचा मार्ग निवडला.
ट्रिब्यूनच्या वृत्तानुसार, घर हलवण्यासाठी एका खासगी कंत्राटदाराला काम देण्यात आले आहे.घर हलविण्यासाठी एकूण ५० लाख रुपये खर्च व दोन महिन्यांचा कालावधी लागणार आहे. सध्या घर २५० फूट अंतरावर हलवण्यात आले आहे.
दरम्यान, प्रवासाचा वेळ कमी करण्याच्या उद्देशाने केंद्र सरकारच्या भारतमाला प्रकल्पांतर्गत एक्सप्रेसवे बांधला जात आहे. हरियाणा, पंजाब आणि जम्मू-काश्मीरमधून हा मार्ग जाणार आहे.
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
