जळगाव :- भाऊसाहेब गुलाबरावजी पाटील इंग्लिश मीडियम स्कूल,पाळधी येथील मुख्याध्यापक श्री सचिन पाटील सर यांना यावर्षीचा राज्यस्तरीय गुणवंत शिक्षक पुरस्कार 2021-22 प्रदान करण्यात आला.
अल्पबचत भवन,जिल्हाधिकारी कार्यालय जळगाव येथे पार पडलेल्या दिमाखदार सोहळ्यात, राजनंदिनी बहुउद्देशीय संस्थेमार्फत दिला जाणारा राज्यस्तरीय गुणवंत शिक्षक पुरस्काराचे जीपीएसचे युवा प्राचार्य माननीय श्री सचिन नाना पाटील मानकरी ठरले. सदर सन्मान सोहळ्यास श्री राजू मामा भोळे, डॉक्टर केतकी पाटील, पाचोर्याचे आमदार श्री किशोर आप्पा पाटील, राजनंदिनी बहुउद्देशीय संस्थेच्या सौ वाघ मॅडम,आदी मान्यवर उपस्थित होते. अगदी तरुण वयात प्राचार्य प्रति विराजमान झाल्यानंतर आपल्या वकृत्वाने व कर्तृत्वाने अल्पावधीत शिक्षण क्षेत्रात नावाजलेले, आपल्या उपक्रमशीलतेमुळे ओळखले जाणारे, व्यवस्थापन,पालक तसेच विद्यार्थ्यांच्या गळ्यातल्या ताईत असणारे जवखेडा बुद्रुक येथील निवासी श्री सचिन पाटील यांना सदर पुरस्कार प्रदान करण्यात आला,
यापूर्वीही प्राचार्य श्री सचिन पाटील यांना भारतीय राष्ट्रीय युवा परिषदेमार्फत आदर्श शिक्षक पुरस्कार, सरस्वती सन्मान 2021-22, आदर्श प्राचार्य पुरस्कार आदी प्रदान करण्यात आले आहे. अगदी तरुण वयात आपल्या कर्तृत्वाच्या ठसा उमटवणाऱ्या श्री सचिन पाटील यांचे जीपीएस चे सर्वेसर्वा माननीय नामदार श्री गुलाबरावजी पाटील व श्री प्रतापरावजी पाटील यांनी अभिनंदनपर सत्कार करून कौतुक केले. आपल्या अनोख्या भाषणाने सभागृहात उपस्थित सर्वांची मने जिंकणाऱ्या सचिन पाटील यांचे शिक्षणाधिकाऱ्यांसह सर्वच मान्यवरांनी कार्यक्रमाच्याप्रसंगी विशेष कौतुक व अभिनंदन केले.
हे वाचलंत का ?
- जळगावात ८ वर्षीय चिमुकलीला गळफास देऊन आईनेही संपविली जीवनयात्रा,पतीने फोडला हंबरडा.
- आजचे राशी भविष्य मंगळवार दि.२६ नोहेंबर २०२४
- महाराष्ट्र सरकारने आयपीएस रश्मी शुक्ला यांची पुनर्नियुक्ती केली, महाराष्ट्राच्या डीजीपी पदाचा पदभार स्वीकारणार
- बायकोने नवऱ्याला धोबीपछाड देत मिळवला विजय; हर्षवर्धन जाधव यांच्या पराभव तर रावसाहेब दानवेची लेक जिंकली.
- कर्ज झाले म्हणून ३५ कोटीच्या विमा काढला, मजुराच्या केला खून,अन् स्वत:च्या अपघाती मृत्यूचा केला बनाव; सिनेमा सारखी कहाणी वाचा.
